「仲記唔記得第一次plan行程係幾時？」 話說揾番第一次自己plan行程嘅旅行相，已經係2016年嘅8月。去咗首爾五日，透過旅行社訂機票酒店，中間仲有兩日join咗韓國星程旅遊一日遊，去咗啲遊客景點。 ➳ Day 1 香港國際機場 → 仁川國際機場 → 明洞 → 神仙雪濃湯(明洞站) → TMark酒店(忠武路站) → 和花蟹和蝦(廣興倉站) Asiana Business Class初體驗 今次坐韓亞航空，upgraded咗Business Class。 坐第一排，上機有橙汁同menu。 掛住興奮，結果杯橙汁飲咗少少就比人收咗T.T 思家姐簡咗西餐↓ PX媽食便餐↓ 健康雪濃湯 因為搭凌晨機，好早到咗明洞兌完錢之後，酒店又未夠鐘check in，周圍都未開門，想好好地坐低食少少野，結果揾到呢間24小時營業嘅神仙雪濃湯。 聽講係用牛骨煮嘅湯，加蔥加餃子等等食材，本身無加鹽，感覺好淡我地嗌咗有人蔘嗰隻配白飯。Menu有中英日韓文對照，價錢適中啦，啲前菜可以自己喺張枱側邊個銀兜夾，冰水、麥茶自助。但思家姐就覺得唔太啱自己胃口，味道實在太健康~ 可能冬天天寒地凍咁食會有唔同感覺？ 【神仙雪濃湯】 地址：首爾特別市中區明洞街56-1 交通路線：明洞站6號出口步行7分鐘 營業時間：24小時(每日) 任食醬油蟹 之前未食過醬油蟹，諗住第一次食試下平平地，無考慮到出名嘅大瓦房、PRO醬蟹，揾到呢間。 餐廳有五個Set，主要醬油蟹同辣醬蟹都任食嘅。我地三個人去，叫咗醬油蟹+辣醬蟹+醬油蝦+花蟹湯Set，醬油蝦好似有3隻/Set，19,900won/Set (約港幣$139)。 其實就無話好唔好食嘅，只係同日本蟹道樂一樣，愈食愈眼瞓...... 【和花蟹和蝦】(꽃게랑새우랑) 地址﹕首爾市麻浦區玄石洞 1-9 / 서울시 마포구 현석동 1-9 營業時間﹕11:00 - 22:00 (16:00 - 17:00休息) 交通路線﹕廣興倉站 4號出口步行10-15分鐘
