[首爾] 愛寶樂園有驚喜(^ω^)

[首爾] 愛寶樂園 有驚喜(^ω^) 我係個尋求刺激，喜歡玩機動遊戲既人，哈哈！所以去旅行都會去當地既主題樂園，玩下佢既過山車！首爾有兩個主題樂園：樂天世界 和 愛寶樂園。樂天較近市區，但較細同無咩玩。愛寶雖然遠，但有得玩仲有動物園(^ω^)冬天有玩雪，春天有花花，夏天有水上樂園， 決定去這個！ 我3月尾去就是這片花花啦(^ з^) 交通有多種，而我揀左便宜既兩種去試（我住新村站）： 1： 地鐵......好耐呀！計埋等車用左2個半小時... 不過優點就係價格便宜w2150，最後果程車仲係愛寶樂園專用既電車，一路看風景很美！ 2：先坐地鐵去 江南站，係10號出口直走300米就見到5002巴士 路線圖影得震左(>﹏<) 藍圈住兩個就係上，下車點！ 車費兩程w1550+w2400=w3950！兩程車各40分鐘左右，連等車大約1個半小時（但如果離開樂園時人多，就要等耐d車）！ 兩種方法我都搭過，建議巴士，快很多！ 門票：官網原價w52000（約HKD347），係kkday買可以有平 USD29（約HKD227），以前kkday有半價，但依家改左65折！不過都好平啊！ https://www.kkday.com/zh-tw/product/2914?gclid=CI74-Inj8ssCFQ-VvQodGf0PpA 開始玩啦 <3 入去首先會經過地球購物中心，即是一堆商店，有line friends *^O^*又可以同熊大影相! 經過完商店，就到美洲冒險區，第一個機動遊戲就係佢啦！轉轉轉~ 非常不恐怖的，連袋都係擺腳底就知唔恐怖啦！哈哈 香港海洋公園我覺得最大離心力係海盜船，哈哈哈唔知點解！愛寶既海盜船比海洋公園既大好多@_@仲有兩隻，不過竟然冇離心力.....（心諗下次帶朋友黎可以嚇下佢，帶佢上黎玩） 哈哈 然後仲有過山車，同依d不停轉轉轉既機動遊戲，不過唔恐怖，我只係玩到笑笑口，哈哈！但坐我隔離既韓國男生就係到嗌....-_-# 而依個都好好笑，個天會反轉，反轉，再反轉！ 順帶一提，我係星期一去，唔多人，每個機動遊戲都係排十多分鐘(^_-) 之後就坐纜車去歐洲冒險區>>> 唯獨一個，我覺得係全個愛寶樂園最好玩既機動遊戲 T express! 排左30分鐘，但真係好好玩呀！必玩！係韓國最早的木質過山車，亦係世界最陡峭的過山車（聽聞）坐後面個韓國男生都大叫「媽媽」 途中我miss左個魔幻樂園，係兒童樂園。玩完機動遊戲啦，好快呢..因為機動遊戲唔多，加上唔洗點排隊，然後就去隔離赤道冒險區睇動物啦！都係我標題所講既有驚喜＼(^o^)／ 依到有得騎馬，騎駱駝，需收費的，但只係係個好細既圈圈到行個圈，所以冇興趣騎呢！赤道冒險區既重點有兩個o(>﹏ ﹏<)o 還會拜拜拎食物，仲會玩籃球入樽！！ 整個愛寶樂園最值回票價就是牠了XDD 另外，係排隊上車的，前面的可選位置，如果有幸可以選位，最好既位置係司機後面果2行！ 然後就去坐水陸兩用車！第一次坐好興奮 嘻嘻 圖片來源:www.everland.com/ 水陸兩用車就係睇乖乖的動物，例如李光洙，河馬等等~ 仲會近距離見到添架！因為車上導遊會用食物吸引佢地，好近呀，好近呀！ 哈＼(^o^)／ 好滿足呀今日！ 走既時候要搭樂園既車出返車站，如果人多既話落車記得跑，哈哈！因為5002依架車愛寶唔係總站，黎到愛寶時唔會有好多位，我就行得慢，所以等左2班車呢...所以想快d上車，就行快d去排隊啦！ 去愛寶都會用左一整天既時間，當日返到市區都8點幾了，食完飯仲可以行一陣街既XD 嘻！ 圖片來源:愛寶樂園FB **點擊後篇有更多首爾行分享啊** [首爾] 6日5夜行程大綱 :) [首爾] 新村站美食推介 :) [首爾] 漂亮便宜的韓服體驗 :)

成功發佈