終於趕得切喺出發前整理好呢篇 無論你係唔係粉絲，以下介紹呢D景點都係好值得一去架~ [江南區] 1. 新沙洞 Abiko Curry あびこ마비꼬 (신사가로수길新沙林蔭道店) 呢間其實係連鎖店，但新沙洞呢間分店係YG前輩1TYM宋栢京開嘅，所以有好多藝人幫襯：Bigbang GD、太陽，JYJ有天，神話玟雨同SHINee溫流都有幫襯過。 地址：서울강남구강남대로152길46 路線： 地鐵3號線新沙站8號出口，直行到新沙洞林蔭大道行2分鐘左右，見到左邊第一條巷轉左就會見到 電話：02-515-3212 營業時間：11:00~21:30 2. 清潭洞 10 Corso Como ・10 Corso Como Café (10 꼬르소 꼬모) 10 Corso Como 係意大利select shop，由前意大利ELLE、VOGUE 總編Carla Sozzani 所創立，總店位於意大利，分別喺日本同韓國開設分店。Corso Como集時裝、美食、藝術於一身，入面有時裝店、書店同Cafe。 GD幾個星期前去左10 Corso Como附近嘅VANS俾粉絲野生捕獲 太陽幾星期前都俾人發現喺Cafe出現 地址： 서울시 강남구 청담동 79번 電話：02-3-18-1010 (時裝店)／02-547-3010 (cafe) 營業時間：(店鋪) 11:00~20:00 ／(Cafe) 星期日至四：11:00~23:00； 星期五至六：11:00~24:00 3.清潭洞 Rare Market 呢間係GD家姐DAMI開嘅select shop，VIP 必去景點! 裝修同佈置都好有特色 早前有YG藝人服裝義賣活動 地址：서울특별시 강남구 청담동 95-5 電話：02-512-3433 營業時間：11:00~20:00 4. 新論峴洞 沙灘的珍珠 갯벌의 진주 有好多藝人都幫襯過 點少得Bigbang嘅GD呢～ 上次去嘅時候食左海鮮鍋，超好味! 呢個就係GD坐過嘅位置喇～ 以上嘅圖片係來自3號店，但宜家3號店已經關閉，不過都可以照去其他分店 :-) 。沙灘的珍珠1號店（갯벌의진주1호점） 電話：02-544-8892 地址：首爾市江南區論峴洞182 。 沙灘的珍珠2號店（갯벌의진주2호점） 電話：02-544-8862 地址：首爾市江南區論峴1洞163-5 5. 新村食堂 - 狎鷗亭羅德奧店 (새마을식당– 압구정로데오점) 地址：江南區新沙洞 657-12 (서울시 강남구 신사동 657-12번지) 路線：狎鷗亭站 3 號出口步行約 20 分鐘 營業時間：24小時 6. Pierrot Strike 保齡球場 삐에로 스트라이크 點擊圖片放大 地址：江南區清潭洞 85-4 Designer club 大廈1樓 (서울시 강남구 청담동 85-4 디자이너클럽빌딩 1층) 營業時間：18:00~03:00 路線：地鐵三號線羅德奧站4號出口，直行5分鐘 7. Clubbing （以下有幾個地點，但江南區景點佔多，所以就group埋一齊講啦~) VIP最基本梗係要去YG開嘅nb(江南)、nb1、nb2同Harlem (弘大) 地址：(nb) 首爾市束草區束草洞1308-4 (地鐵二號線江南站10號出口) (nb1、nb2、Harlem) 首爾市麻浦區西橋洞 (地鐵二號線弘大站9號出口) 但其實喺江南區仲有幾間club係Bigbang有去過架~ The A GD Dara ＠ The A 地址：江南區驛三洞701-1 江南新藝術城市酒店B1 Club Octagon GD ＠ Club Octagon YG 曾經喺度搞過NONAgON 嘅發佈會 地址：首爾市江南區論峴洞152, New Hilltop Hotel B1/B2 Club Answer (Le Nuit Blanche) GD 太陽 ＠ Club Answer 地址：首爾市江南區淸潭洞125-16 Club Ellui GD 2AM趙權 ＠ Club Ellui 地址：首爾江南區清潭洞129號 Club Rococo (梨泰院) GD＆TOP 喺度拍過MV，紳士的品格都喺度拍攝過 地址：首爾龍山區漢南洞 737-32 IP BOUTIQUE HOTEL B1 Seoul Ping Pong Pub 서울 핑풍팝 (梨泰院) 老闆係男模道尚宇도상우(有拍過沒關係是愛情)，所以喺度隨時可能會見到韓模，當然GD都有幫襯過啦～ 點擊圖片放大 Krunk Bear出沒注意！ 地址：용산구 이태원 2동 705 B1 路線：地鐵六號線綠莎坪站1號出口 營業時間：19:00~3:00 [麻浦區] 1. YG 大樓 YG總部所在地，粉絲必到景點! 地址：首爾麻浦區合井洞397-5號(서울특별시마포구합정동397-5 YG빌딩) 路線： 地鐵2號線合井站8號出口徒步約10分鐘 2. 조선 화로구이 朝鮮烤肉 好味到打歌服都唔換就去食？! 地址：麻浦區西橋洞351-18 路線：弘大站1號出口出往合井方向直行，過左第一個馬路喺右邊就會見到 營業時間：11:00~03:00 3. 西江烤豬皮店 (서강껍데기소금구이) Bigbang曾經喺度拍攝Healing Camp 地址：麻浦區西橋洞383-1 路線：地鐵2號線合井站9號出口步行約10分鐘 營業時間：15:00~04:00 4. 烈鳳燉雞 (弘大店) 係SE7EN開嘅餐廳，相信好多粉絲已經去過，雖然7哥離開左YG，但喺粉絲心目中佢依然都係YG一份子 點擊圖片放大 +2 地址：首爾麻浦區西橋洞364-23 (서울특별시 마포구 서교동 364-23) 路線：地鐵弘大站9號出口 營業時間： 11:00~23:00 5. Urban Tree 餐廳 어반트리 點擊圖片放大 地址：首爾市麻浦區西橋洞 399-13 1樓 (서울시 마포구 서교동 399-13 1층) 路線：地鐵合井站 6 號出口步行約 8 分鐘 營業時間：11:00~24:00 6. The Designer Museum café aA 카페에이에이 係一間好有文青feel嘅cafe 點擊圖片放大 +3 入面仲有好多有藝人簽名嘅枱櫈 地址：首爾特别市麻浦區西橋洞 408-11 路線：(距離地鐵站比較遠) 路線1: 地鐵上水站1號出口步行約10分鐘 路線2: 弘大秀KTV／想像庭園過馬路直行，見到7-11左轉，直行第一條巷轉右就會見到 營業時間：12:00~00:00 7. Twosome Studio+ Cafe Twosome有好多間分店，但係呢間係YG製作人Teddy開嘅，YG家族飯又一朝聖地點 推介黑色多士／三文治，淨係得呢間分店有得食架咋~ 地址：麻浦區西橋洞338-48(서울시 마포구 서교동338-48) 路線：(勁易搵，喺正弘大正門隔離) 地鐵弘大站9號出口，第一個十字路口轉左一直向弘大正門行就會見到 營業時間：07:00~02:00 (星期一至五)／08:00~02:00 (星期六至日) [其他地區] 1. AND.here cafe 勝利開嘅cafe，VIP又一聚腳點，仲可以去埋附近嘅壁畫村，值得一去！ 點擊圖片放大 TOP送俾cafe嘅擺設 地址：鐘路區東崇洞31-14 (서울특별시종로구동숭동31-14) 路線：地鐵4號線惠化站1號出口 步行大概10-12分鐘 營業時間： 11:00~23:00 2. K-Live @ 東大門Lotte Fiftin Mall 9/F K-Live係高科技3D演唱會表演，主題有2個 ： PSY＋2NE1＋Bigbang (1日5場) 同埋 4月新增嘅G-Dragon Awake (1日2場) ，仲有photobooth，cafe，賣周邊嘅店鋪同埋勁多影相位，粉絲閒閒地可以玩2,3粒鐘 地址：首爾特別市中區乙支路264 (乙支路6街) 路線：地鐵2、4、5號線東大門歷史文化公園站11、12號出口 營業時間：13:30~21:00 (星期一休館) 3. 奧林匹克公園 올림픽공원 睇演唱會必到地點 點擊圖片放大 地址：서울시송파구올림픽로 426 路線：地鐵5號線奧林匹克公園站3號出口 4. Dolce Vita 渡假村 (돌체 비타) GD買俾父母經營嘅民宿渡假村，總共有11間套房，房間嘅名全部以BIGBANG歌曲命名，每個房間都有小型廚房同按摩浴缸，每間房室內設計都超有特色。 地址：韓國京畿道抱川市一東面機山里2-15 (경기도 포천시 일동면 기산리 2-25번지) 路線： 東首爾巴士客運站(地鐵綠色2號線江邊站4號出口) 乘搭往一東(일동)嘅巴士，第一個站落車，打電話去Dolce Vita，就會提供接送服務 （有時會係志龍爸爸親自開車接送架~) 官網：http://www.dolcebita.co.kr (尚有其他景點未有介紹，實在有太多景點，未能逐一詳盡介紹，請大家見諒) >>有興趣可以支持吓seoulcrazy 個Facebook Page: seoulcrazy/ Instagram: shopjkshop
