落大雨... .... .... 但「天氣不似預期 但要走總要飛」，不過今次唔係飛，係搭火車。 喺紅磡火車站有直通車搭去北京，每日一班，搭足一日24小時！ 今次揀搭火車，主要原因當然係平啦！同埋同朋友都想體驗一下搭火車，幫襯左旅行團，團費只係$799，呢個價錢單買來回火車飛都唔得，但而家就包埋酒店、交通、三餐。抵到爛！！ (不過個領隊認真麻麻...... .) 3點鐘搭火車，去到北京係第二日3點，我地訓硬卧，一間房total有六張床，每邊三層，我地四個人因為訓最上個兩層，所以我地要將行李擺上最高，係呢個位有D吃力！ 24小時喺火車上面有咩做？老實講其實真係冇咩好做，一開始同友人參觀一下火車，周圍行下，睇下軟卧係點，軟卧係一間房四張床，每邊兩層，而且仲要有電視睇！非常不錯。 其實在火車裡面，活動空間不大，所以我們只能夠自己睇下書，玩下電話，有時一齊傾計咁。 晚飯去了餐卡，但可能因為內地沒有禁煙，所以好大陣煙味，而且喺火車度只有餐卡有食物買，所以價錢相當唔便宜（起碼同所食既野價錢不相乎吧），又唔係特別好食，食過一次就算了。
