喺2022年來臨嘅前一個禮拜我嘅胃已經一路都唔係太舒服，睇咗西醫好似好啲，跟住過多幾日又開始唔舒服，所以2021年最後一日去咗睇中醫諗住調理下個腸胃🌿點知最後搞到要入急症室😓😓😓唔知大家有冇試過腸胃拿住拿住痛到連神經線都痛，跟住一路扯住由個胃痛到去成個背脊都神經痛？😭😭😭嗰晚我瞓到凌晨三點就係比呢一種痛痛醒咗，我好低能咁上網🔎查到底點解會咁痛？網上面有人講話可能係胃潰瘍😱，當時嚇親所以我決定去急症室。但上網一睇政府大部份地方嘅急症室都要等超過三個鐘，當下我有種痛到死去活來的感覺，所以決定去私家醫院急症室…… 今次係我第一次去私家醫院急症室，去到完全唔需要排隊我係第二個，登記之後好快就見到醫生，我今次去嘅係@荃灣港安醫院，開頭都有擔心會唔會好貴或者會叫我即刻入院，但係醫生👨⚕️都好仔細咁樣問咗我嘅情況同埋幫我檢查左個肚，佢話如果擔心嘅話就去照CT或者做腸鏡，因為我呢種痛真係有機會係胃潰瘍，不過佢話唔使太擔心，佢會先幫我打支針💉幫我放鬆啲神經線跟住食藥💊如果聽日仲係繼續咁佢就建議我入院。真係非常之好彩第二日已經完全冇事跟住我都有跟醫生嘅指示繼續食藥。總結返今次嘅體驗打咗支針再加五日嘅藥都係唔使$1300我覺得當下我痛到死去活來嘅情況來講已經唔算太貴，因為一般睇專科可能都係呢個價錢，仲有我想講如果係揸車嘅人士呢度泊車亦都非常經濟只係$10/小時。雖然仍然都唔知係咪因為中藥問題？？？又或者係我本身自己神經痛影響個胃？？？但係點都好希望新嘅一年可以身體健康💪🏻#胃痛 #神經痛 #急症室 #私家醫院 #2022
