我地係上野間酒店Mitsui Garden Hotel Ueno, 好近上野站。一行出東面出口過對面馬路就已經係酒店。酒店都好新淨, 雖然房就細左小小。 第2日我地就去左食一蘭拉麵。一蘭拉麵位於上野站山下口Atre商店街。同香港一樣, 都係自己面壁食。湯底濃郁, 麵又爽口, 好好味。 係上野站行去搭skyliner去機埸大約十分鐘, 行到京成上野車站(藍格), 要係路面行。 今日去明治神宮外苑同埋六義園睇銀杏紅葉。明治神宮外苑係外苑前站, 我地唔小心去左明治神宮站, 以為就係明治神宮出面, 點知原來唔係。 明治神宮外苑前係東京最集中既賞銀杏熱點。東京咁多地方呢個位置銀杏最震撼。 四排銀杏葉變色的程度有d唔同, 仲係有少少綠色。 銀杏好高大, 完全變金黄, 地下鋪滿金黃色葉, 有藍天映襯, 好靚! 有唔少當地人都黎賞銀杏。以呢度d銀杏咁靚, 人唔算太多。 地上落葉 點擊圖片放大 +4 閃閃生輝既銀杏葉。 下一站就係六義園 都營地鐵三田線“千石”站下車 徒步10分 JR東京地鐵南北線“駒入”站下車 徒步7分 入場費門票300yen 點擊圖片放大 六義園地圖 六義園係一個日式庭園, 有小橋, 日式建築, 茶屋等。 點擊圖片放大 +3 六義園比起新宿御苑唔算好大。紅葉位置比較集中, 有d建築映襯。 點擊圖片放大 +2 茶屋 點擊圖片放大 有小湖倒映出紅葉 渡月橋, 呢個位最靚。 去完六義園, 我地就返返上野攞行李去搭Skyliner。結束我地短短5日既東京紅葉行。行程收穫豐富, 去左迪士尼海洋, 住佐迪士尼酒店,又見到紅葉滿開既東京。 上一頁 下一頁 東京紅葉行行程概覽 東京紅葉行: 購物, 手信, Shisui PremiumOutlets 我的Facebook專頁: https://www.facebook.com/SeaLandSkyWorldTravel
