今日我地就要橫越南北島!要有南島去北島要搭汽車渡輪 (Interislander Ferry)。我地個租車公司搭汽車渡輪唔需要另外加錢。要一早揀左坐汽車渡輪的時間, 係皇后鎮拿車時公司會俾埋d文件。 一朝早我地就揸車上去Picton, 大約要兩個鐘。然後就去碼頭拿船票。跟住就去左排隊 (之前有指示要幾點到碼頭, 一定唔可以遲到)。已經有好多車排緊隊等上船。上船將車泊系停車船艙果層,然後就去乘客坐果層。要3個鐘,同埋風浪都有d大, 如果容易暈船浪就最好食定暈浪丸。落大雨所以都睇唔到風景。 一到威靈頓(14:30)我地就即刻揸車去國會, 因為我幾個字之後國會有導覽團。威靈頓市中心係收費泊車。 導覽團免費, 不用預訂。如國會要過保安檢查。 國會有分新座同舊座, 導覽團會帶我地周圍參觀, 介紹國會歷史, 建築, 印象最深刻係點樣係舊座大規模加裝防震設施, 有咩高科技去防止國會大廈倒塌。 4 點左右我地就去左博物館Te Papa 參觀。好多展品, 仲有隻超級巨大既八爪魚標本。 又見到彩虹, 係紐西蘭見到好多條彩虹。間歇性落雨, 好彩大部份係過雲雨, 落一陣就停。 由Te Papa 可以沿海行去市中心Civic Square, 約20-30分鐘。 夜晚我地就由Mecure Hotel行去古巴街。條街有食肆鋪頭, 我地就揀左tripadvisor排第11嘅Ombra餐廳食晚飯。有好多人, 要等位。好彩吧檯就唔駛等咁耐。餐廳好好食。同平時的西餐唔同, 無論係主菜定配菜都係分開叫, 細細碟, 然後俾大家share。 紐西蘭食野方面都係可以share, 同中國比較相似, 同埋都會有水飲, 唔一定要另外買野飲。 我地叫左好多野食! 青口 牛 魚 羊 樣樣都好好食! 點擊圖片放大 +3 上一頁 下一頁 紐西蘭星河湖鏡之旅 . 南北島自駕遊行程概覽 Itinerary 紐西蘭南北島自駕遊交通活動實用資訊, 有用網站 紐西蘭南北島自駕遊~租車, 駕駛需知, 實用安全資訊 我的Facebook專頁: https://www.facebook.com/SeaLandSkyWorldTravel
