今日去威尼斯。由Milano Centrale 到Venezia Santa Lucia 要2.5小時。 Venezia Santa Lucia係威尼斯島上, 由Venezia Santa Lucia 坐Actv 船去威尼斯的景點。但酒店就貴點。 Venezia Santa Lucia 上一個火車站係Venezia Mestre。Venezia Mestre的酒店就便宜一 點, 但就不能直接搭Actv船。 我地住Hotel Florida, 就係Venezia S Lucia 旁邊。威尼斯酒店比意大利其他地方貴。房亦小。點擊圖片放大 係酒店安頓好我地就買三日卷船飛, 在火車站門口已經有一個大的旅遊站賣船飛和其他門票。我地亦訂左gondola ride。 一搭船已經可以欣賞威尼斯特有的景色。一個島國, 以無數橋和船連繫。 很有趣, 一個沒有多少路的地方以前都能這麼繁榮。 當地人亦划船代步 入面就是聖馬可廣場 St Zaccaria 站下船, 已經人頭湧湧 行經嘆息橋, 嘆息橋名字由來是因為囚犯行過此橋, 望過最後一眼這個世界, 就不能再見了。 聖馬可廣場三大地標, 聖馬可教堂, 總督宮, 鐘樓。鐘樓可以眺望威尼斯景色。 廣場兩旁是都市手信店。聖馬可教堂外牆正直裝修有五分一都被遮蓋掉, 可惜 威尼斯本島上大大小小既狹窄街道, 大部分都係做遊客生意, 手信鋪, 餐廳小食店,。手信包羅萬有, 其中玻璃製品銅面具都好特別 我地係小街行完一陣就去左搭之前預訂既gondola ride。 經過人行不到的窄水道 點擊圖片放大 Gondola經過狹窄的水道, 兩旁古老的建築。可以以另一個角度欣賞威尼斯景色。坐gondola遊威尼斯, 別有一番風味。 點擊圖片放大 除左狹窄的隧道, 亦都會駛出大河道, 經過有名的里亞托橋。 里亞托橋兩岸有好多餐廳, 我地就係其中一間到食飯 旅程係呢度完結 點擊圖片放大 跟住我地就行上里亞托橋行上, 橋上兩旁有好多鋪頭 里亞托橋頂望出去的景色 大船就係Actv船, 大部分旅客乘坐的交通工具 之後我地就坐船返火車站酒店附近。沿途都會經過一點景點, 例如黃金宮。 如果有時間整個威尼斯有大大小小的景點, 可以買一張套票, 慢慢玩。 火車站附近亦都有好多手信店同餐廳。基本上成個威尼斯島有好多手信店同玻璃製品店, 喜歡的話可以逐家逐家慢慢睇, 購買心頭好。 玻璃製品店有係威尼斯製造 Murano glass 或者是中國製造。中國製造價格便宜, 手工就是威尼斯制造的較好。 上一頁 下一頁 瑞士意大利湖光名城自由行行程概覽 我的Facebook專頁: https://www.facebook.com/SeaLandSkyWorldTravel
