今日會由因特拉肯去琉森。途經這段火車系瑞士黃金快線既其中一段。我地係酒店食過早餐之後就去左因特拉肯西站搭火車。 點擊圖片放大 去瑞士火車網到可以睇到幾點既火車會係邊種火車廂。有d火車廂有玻璃鏡係兩側天花板, 景觀比較開揚, 可以更好咁欣賞沿途的美景。 沿途景色怡人, 不愧係瑞士最出名的黃金快線。呢個位置由高點望落湖邊的小鎮, 係成段旅程最靚的位置。 我地一到琉森火車站, 就去左火車入面既遊客中心。基本上瑞士每個鎮火車站都有大大小小的遊客中心, 方便旅客。我地係遊客中心book左今晚睇瑞士民族表演嘅晚餐Stadkellee。 我地既酒店就係火車站附近, 係三星既Hotel Alpina, 早餐就係佢既姊妹酒店4星既Hotel Monopol食, 真係好。 瑞士周圍都有Laderach朱古力店, 賣相好精緻。我地買左少少試。佢有好多款唔同口味既一塊塊朱古力, 可以每隻味買少少, 好好味。 係酒店安頓好我地就去左著名既花橋觀光。天氣好好, 藍天白雲加花橋, 好似postcard一樣。 花橋係歐洲最長的木製橋, 以前曾經遭火焚毀, 之後重建番。 點擊圖片放大 +2 花橋旁有露天市集, 賣各式各樣的貨品, 係花橋近火車站果一邊。 係火車站果邊行過花橋就會去到市中心。中心既屋全部都古色古香, 有d外牆仲畫滿壁畫, 好靚。 行大約20分鐘就會去到琉森是另外一個重要景點, 垂死獅子像, 記念陣亡士兵。 我地係市中心行咗一陣手信鋪, 就係花橋旁邊的露天茶座坐低飲野, 欣賞呢個漂亮城市。之後就去左睇瑞士民族表演同食晚飯 。 瑞士民族表演嘅地方都係市中心入面, 好近。 有唔同國籍的遊客, 會表演瑞士嘅特有樂器, 一種長號角alphorn, 同其他既歌舞表演。 主要食品都係瑞士嘅食物, 例如芝士火鍋 點擊圖片放大 薯仔煎餅 最後甜品仲印上瑞士國旗。 整體來講都唔錯, 係夜晚食晚飯既一個好去處。 上一頁 下一頁 瑞士意大利湖光名城自由行行程概覽 我的Facebook專頁: https://www.facebook.com/SeaLandSkyWorldTravel
