我地由少女峰落返去因特拉肯路線同今早不同, 經Grindelwald。Grindelwald係一個漂亮的山中小鎮, 火車站的景色已經咁靚! 可以望到雪山綠草小屋。 小鎮上亦都有好多賣手信既鋪頭。 風景優美, 有人係到玩滑翔傘 再坐車去因特拉肯 因特拉肯定係比較大的鎮, 係瑞士嘅旅遊重鎮。但亦保持小鎮風貌, 有一條主要大街, 兩旁就是商鋪, 主要賣手信, 食物。 Interlaken Ost 火車站 (往返少女峰的車站)係東邊, 我地住係西邊Interlaken West。我地就慢慢由東邊行到酒店, 大約20分鐘。沿路建築物都好靚 因特拉肯亦係玩滑翔傘既熱門地點, 有一片大草坪以供降落, 草坪邊就有滑翔傘公司街站。因為時間緊迫, 我地就冇玩。 因特拉肯周邊風景咁靚, 玩滑翔傘景觀一定非常好 沿途有各式各樣的鋪頭 我地今晚去左Zum Baren食瑞士地道菜, 係tripadvisor揾到既餐廳, 味道好好。我地5月去瑞士, 唔係旅遊旺季。因特拉肯的餐廳同策馬特一樣, 有d餐廳一個禮拜只係開三四日, 有d想食既餐廳食唔到。 瑞士名菜芝士火鍋 煎薯餅 我地既酒店Hotel Continental Central (3 star) 係因特拉肯西站對面, 過一條河就係, 位置一流。酒店外形古雅, 房就有一點舊, 但整體來講都ok。 酒店露臺望出去的景色 上一頁 下一頁 瑞士意大利湖光名城自由行行程概覽 我的Facebook專頁: https://www.facebook.com/SeaLandSkyWorldTravel
