期待已久嘅新西蘭南北島自駕遊之旅終於起行! 香港去紐西蘭要搭十四個鐘飛機, 去皇后鎮要係奧克蘭轉機。係奧克蘭轉機仲要拿埋行李由International Terminal行去Domestic Terminal。係奧克蘭機場就要買訂上網電話卡, 有幾間電訊公司係International Terminal。 皇后鎮好似冇得賣。 到達皇后鎮後我地就用機場的免費電話聯絡租車公司Apex car rental 。呢間租車公司係紐西蘭都好大規模， 好處係第三個司機唔需要加錢， 同埋搭南島去北島既汽車渡輪都唔需要加錢。 係機場搭專車去佢地係機場附近的公司攞車。同時租埋gps, 好仲要, 今次旅程靠晒佢。主要入地址, Keyword 唔係次次得。最好一早整好所有酒店, 景點既地址係一張紙度, 唔駛日日不停上網找。GPS仲可以用黎搜尋附近超級市場, 油站, 好有用。 我地租左架Toyota camry都好新淨。 攞完車都已經夜晚, 我地就去左市中心食晚飯。我地係Tripadvisor搵到排第一既Captains Restaurant 青口同埋羊架都好好食， 羊完全唔蘇，d青口好大隻好新鮮， 好味過香港D好多。 兩人份量海鮮拚盤! 食完晚飯我地就去左Book之後幾日既活動, 包括蒸汽船, skyline gondola。市中心周圍都有book活動嘅公司。 第二朝我地就去碼頭搭蒸汽船去Walter Peak Farm。 碼頭附近有紐西蘭特有雀鳥嘅奇異鳥旣雕塑。 架蒸氣船好古色古香， 船會沿住lake wakatipu 去到Walter Peak Farm, 大約一個鐘行程。 Lake Wakatipu 沿途景色優美 蒸汽船d煙好黑 可以參觀船入面既架構 到達Walter Peak Farm 好多人等著睇剪羊毛表演 d羊好得意俾人反轉左就會定係到由人剪毛 剪羊毛嘅video https://www.youtube.com/watch?v=k__Tgz4mWS0 農場仲有牧羊狗趕羊表演 牧羊狗會將d羊趕入個欄度。一隻狗可以趕成群羊， 羊會好怕隻狗地行開去， 跟住行入個欄度， 可以睇下以下的影片: https://www.youtube.com/watch?v=MhQhLkPKlX0 表演完會俾遊客餵羊 農場仲有其他動物， 這個樣好得意, 唔知叫乜野名 草泥馬! 個團可以加BBQ午餐, 係呢間有湖景既靚屋食。如果唔加午餐都有茶同餅乾食。 點擊圖片放大 我地冇食午餐， 因為我諗住係個農場到周圍行下。 屋入面好靚出都裝滿花環境優美而家仲要係秋天出面有d好高嘅黃葉樹 係呢間屋入面食茶同餅乾 紐西蘭秋天好靚， 周圍都係黃葉樹。島上有好多好高嘅黃葉樹， 好有秋意， 我地影相影左好耐。 地上佈滿黃色既落葉 D樹真係好高架! 我地搭左下班船返皇后鎮 沿途經過我地係湖邊的酒店Peppers Beacon, 酒店附近亦都周圍都係黃葉樹。 上一頁 下一頁 紐西蘭星河湖鏡之旅 . 南北島自駕遊行程概覽 Itinerary 我的旅遊Blog詳細分享五大洲我五大洲遊歷, 精彩相片: http://sealandskyworldtravel.blogspot.hk/ 我的Facebook專頁: https://www.facebook.com/SeaLandSkyWorldTravel 多謝支持!
