我地坐國泰航空一早出發。由成田機場去東京市區主要有兩種車NEX或Skyliner。亦有較平的選擇京成電鐵, 但時間就比較長。我地住新宿的關係就擇左NEX。 來回票有折扣, NEX網址 Skyliner快d, 但係就係去上野, 唔會直接去到新宿, 亦貴小小。我NEX同Skyliner兩種都坐過, 車廂就差唔多, 都係咁新淨。 Skyliner 東京的地鐵圖, 機場係東邊, 上野比較近機場。晴空塔亦都近機場。新宿係西邊, 表參道, 原宿等等都係西邊。 我地去新宿放低行李後就去晴空塔。係大手町站轉車去押上站。 東京晴空塔 Tokyo Sky Tree係東京比較新的景點, 落成左兩三年, 比起以前的東京鐵塔高。我地揀左夜晚上去, 可以睇到東京夜景。為左唔洗排隊, 我地一早係網上訂左上晴空塔既門票。要預訂門票好麻煩, 首先網站係日文, 要用google translate。第二要註冊帳戶, 入名既時候要入日文。我要係google translate將自己個名能夠轉做日文既字變做日文copy and paste 落去。網頁話要用日本信用卡, 但我用香港匯豐信用卡都訂到。 門票 上到晴空塔Tembo Deck上面可以睇到東京夜景。 點擊圖片放大 +2 晴空塔仲有d地板係玻璃, 企係玻璃到望落去如果畏高都幾驚。 點擊圖片放大 晴空塔上買既雪糕有晴空塔餅乾裝飾 係Tembo Deck 晴空塔仲可以買飛上高一層天望迴廊。 晴空塔既icon 有聖誕裝飾亦有聖誕市集。 晴空塔下便就係一個大商場, 有好多好多鋪頭, 貨品包羅萬有。大部分東京的手信食品名物都有得賣。 有間好大既鬆弛熊商店亦有晴空塔記鬆弛熊手信。 商場亦有食肆, 通常食肆都係最後關門。我地行到商舖開始關門就去左晴空塔商場既食肆食晚飯。 點擊圖片放大 上一頁 下一頁 詳細東京紅葉行, 迪士尼之旅記錄在: http://sealandskyworldtravel.blogspot.hk/2015/06/japan-red-leaves-itinerary.html 我的旅遊Blog詳細分享五大洲我五大洲遊歷, 精彩相片: http://sealandskyworldtravel.blogspot.hk/ 我的Facebook專頁: https://www.facebook.com/SeaLandSkyWorldTravel 多謝支持!
