聽朋友講過這間餐廳食物好味、環境舒適，今次有機會與海馬仔一齊來食一頓～ 餐廳空間大、樓底高，以綠/白色為主色，環境很舒適，座位主要以卡位為主，枱亦好寬闊。 . . #親子？ 係呀！想不到餐廳好照顧小朋友需要 -有顏色筆比小朋友畫畫、油顏色 -又有多款車車做型的兒童餐 -食完仲可以扭蛋攞小玩具 #由頭開心到尾 . . #食物？ Menu好多選擇：有單點、套餐、仲有加配優惠，價錢唔係高，食過之後味道唔錯，上菜也精緻！ . . 第一樣最吸引係餐牌上有生蠔供應，爸媽難得可食海鮮產品，仲有 #生蠔買一送一 優惠！今次試了2款法國來的Gillardeau、Majestic，一款海水味濃D，而另一款就Creamy D，同樣味美 . . 菜式方面叫了： 椰菜花忌廉湯 椰菜花攪碎和忌廉煮成的湯，飲落好有質感，好多材料，好有顆粒感，好香濃 . . 吉列廣島蠔伴松露薯條 好大份！吉列廣島蠔肥美、肉質鮮甜，外面炸得好脆！松露薯條即食即炸好，松露好香，再多D就更滿足！ . . 燒原隻去骨美國野春雞 春雞肉質嫩滑用香草醃到每一部份肉都好入味，而雞皮燒得好脆口。配上多款配菜，性價比好高！ . . 軟殼蟹天婦羅蕃茄乾意粉 大大隻的軟殼蟹，炸得酥脆，配上酸甜的意粉，味道perfect! . . 兒童餐（$68） 3款兒童餐，我地選了C款，由一架車裝哂！海馬仔超興奮 話好正！車上有胡麻沙律、芝士通心粉、生果及橙汁，食物不會太濃味，除沙律外都好啱小朋友食 . . 最後我地仲點了杯 Cappuccino 和 Flat White...咖啡香濃好滑⋯是今晚的完美句號 . . 下次來附近還是想食多一次 聽講下午茶的Tea Set 都係$168/2位 Su Casa 網址: https://s.openrice.com/QrbS0vIm900~uic3TAw 地址: 沙田石門安群街一號京瑞廣場二期地下G03號舖 電話: 28825000
