筆畫月頭鄉下仔出城 作為大蚛華蝗蟈既子民 懷著為蟈捐精軀既心 深入白虎穴去尋找東洋既奧秘 經過大半年既資料搜集 發現大部分推介既住宿都集中在新宿 可能我份人比較敏感 一聽到個類似縮字既發音都好似忌一忌 雖則新宿真係要食要玩要買要嫖(好似係)都應有盡有 不過可能我鄉下仔性格 訓覺既地方最好都係靜少少 附近又唔好咁嘈囉 情報發現原來有個地區熱鬧得黎仲好方便添 佢就係 ---------上野喇! 上野(日文讀音: 護-N-奴, 並唔係讀 U-奴) 係最接近成田機場既東京市區 機場有鐵路直達上野 土豪級別有京成鐵路 Skyliner 單程大約JPY2400 其他都有所謂”特快”既鐵路不過其實係站站停 我食完個蓋飯你都未落車 可知去旅行秒秒鐘都係錢 所以完全唔推介 Skyliner 點搭? 立即去相 拎完行李 一出閘口立即見到個counter D職員英文算OK ,買得 ! 夜左先到成田 counter收左點算? 唔使怯, 行落一層就見到佢 又係有職員射住, 又買得! 雞眼咁大粒字寫住上野 中文唔識? Skyliner 英文識喇掛 Skyliner全線劃位, 記得睇清楚先跳上車卡 行李位算係幾足夠, 門口位俾人擺哂都唔怕 座位頭頂都有得擺行李 行李太重或者不(夠力) 舉 擺腳邊都唔算太迫, 一樣OK! 如果你三五成群想面對面坐 座位旁邊有個腳踏 一踩落去成張野就可以540度轉圈 大吵大鬧高聲談話都係一律禁止的 45分鐘後就到達上野嚕 唔使轉車, 唔怕搭錯車 祝閣下也咩嗲愉快 ! >>>一餐飯既價錢就歎盡商務客位既舒適 ↓↓(跪求MODE) 讚好筆畫哥Facebook專頁就可以得到最新既資訊了 ↓↓ No Plane No Gain 飛機並唔係咁搭既
