同BB豬去旅行梗係巧開針豬喇，拍左拖2個月終於可以食下野, 玩下 共處一室做愛做既事(重要指數5粒星) 不過好多時都有意料之外既事發生 錢就事少, 攪到個旅行玩得唔圓滿番到香港分手就大碌喇 筆畫哥提提你4大最易中招陷阱 等你淡淡地唔驚豬 第4位 WIFI洩密 去到機場唔打卡放閃其實去黎做咩呢? 我明，不過機場既免費WIFI其實好多人連接到 包括世界各地既資深電腦專員，又稱黑客 佢地可以製造一個假既WIFI網絡 你用佢個網絡去上網買野就真係舔舔糞了 個人資料俾人偷哂，連睇過甜網都俾人知道，真係紅都面埋 破解 選擇機場既官方WIFI網絡 如果真係冇咩必要上網就唔好上了 一般機場都有電腦可以使用 用佢既電腦就唔會係假網絡喇 不過都係少用公共電腦/網絡去購物 減少提供個人資料為上 第3位 蠱惑的卡 唔用機場WIFI, 自己帶WIFI蛋咪得囉 當然喇，到左當地機場上到爆蛋蛋都係定額收費 不過飛得遠要轉機既話又點算呢 唔用WIFI我用漫遊囉 (咁你就GG了) 縱然好多電訊公司，由熱門旅遊地區打返香港都係收幾毫子至幾蚊一分鐘 聽落都合理呀，不過佢既費用係未計算外地電訊商既費用 所以到頭黎既通話費用可能高達幾十蚊一分鐘 返到香港收到帳單就知道又HIGH HIGH了 破解 用有名碼實價既機場收費電話 不過都唔會平得去邊 如無必要都係唔好打了 千山我獨行，不必相送！ (揮袖) 第2位 不安全的安檢 好不容易到達當地冇中招 ? 錯了 拎住隨身物品過安檢原來都係另一塊蕉皮 當你擺低個手提行李上個輸送帶 個人就行過個金屬探測器時 就算你擺低哂D銀仔佢都會9響 又要行埋一邊人手再SCAN過 所以有機會你件行李快過你SCAN完出左黎 就係咁, 你部平板電腦就已經俾人舔左去了 破解 冇理由叫你唔好帶部PAD上機睇劇嫁嘛 如果同行有兩個人，其中一個過左金屬探測器後就好0.99秒9衝去個行李帶另一邊望實件野出黎 咁獨行俠點算?用件褸遮住D貴重物品 低調D, 自然冇咁易俾人知道你係富豪 第1位 搶錢的士 出到機場就冇事? 膚淺! 正所謂國有國法, 行有行規 亂搭的士就好大劑 不少城市都有不明文既約定 就係的士司機可以自行同乘客講價 曼谷就係其中一個例子 唔傾好價錢就上車分分鐘殺你一頸血 唔俾你落車事少, 車你去後巷先X後X就 ... 嗯.... 破解 當然係照咪錶收費 最多唔照咪錶咪唔上等過下一架 不過都要小心有D地方既的士真係冇咪錶 例如蘇梅, 最好就係到達當地之前就做少少資料搜集 講價都有個譜呀嘛 (誠懇MODE)讚好筆畫哥Facebook專頁就可以得到最新既資訊了: 飛機、並唔係咁搭既
