喺銅鑼灣鬧市🤩露營+嘆串燒🔥又幾好feel喎！依到係串燒小店「炊燒」，入面有3大個帳篷 ，坐入去用餐就真係特別有度假feel啦 串燒選擇都好多，QR落單好快就嚟到🤤每枱都會放上一個小火爐，串燒一嚟會放上去保溫，可以慢慢嘆唔使驚凍晒。價格唔貴，仲無加一，晚市好有人氣坐滿晒，好有氣氛。 🔶蒜蓉燒生蠔 $199/半打 同行朋友仔最鍾意食蠔🦪咁梗係要叫燒蠔happy下。蠔嫩多汁有鮮味，充滿蒜蓉香。 🔶大頭蝦 $38 哇呢個我好like，燒得靚🫶🏻啖啖肉肉質爽滑🦐仲有好多蝦膏。 🔶燒扇貝 $38 扇貝都大隻，上面鋪滿蒜蓉粉絲好惹味。 🔶蒜蓉大茄子 $38 茄子肉入口即溶，吸盡醬汁調味精粹，細滑味濃。 🔶錫紙麻辣鴨血 $48 食吓食吓原來都好多，鴨血滑嫩Q彈，充滿麻辣鮮香，仲有好多索晒汁嘅粉絲。 🔶新疆羊肉串 $19 朋友又好鍾意食羊肉，食串燒梗係要點返羊肉串。味道鮮味，肉質軟脆帶有孜然香，有風味。 🔶割韭菜 $24/2串 1客2串好抵食，入口爽甜惹味 。 🔶冰粉 $28 杯裝冰粉大大杯，入面除咗有滑彈冰粉，仲有紅豆丶爆珠丶芋圓丶青提子乾 ，甜度剛好，好有口感，解辣一流。 🔶罐裝飲品 $12 📍炊燒 銅鑼灣渣甸街47號采怡閣地下1號舖
