心血來潮想食鰻魚🥳記得蔡瀾介紹過中環呢間日式關西料理「炭家」，主打用備長炭即叫即燒鰻魚～好吸引！而鰻魚係由日本直送運來。 依日平日中午嚟到，非常爆滿💗仲見到門外有人等位。🔶午市套餐：鰻魚重$420有2款選擇：蒲燒鰻魚or 白燒鰻魚。蒲燒鰻魚就是掃上了醬汁然後去燒，這裡會在烤的過程前後加3次醬汁，讓鰻魚更加鮮甜入味。我就點咗白燒鰻魚～覺得香港比較少有，白燒鰻魚就是沒有加添醬汁去燒～ 落咗order之後，服務生先奉上鰻魚茶碗蒸丶日式清湯，同埋鰻魚凍作前菜。3樣都好鍾意😚特別喜歡鰻魚凍，很清爽開胃，有入口即溶之感。 我坐嘅用餐枱隔離有塊大玻璃～可以見到半開放廚房。見到師傅串起鰻魚，然後放在炭火上慢烤🥳 燒好後嘅白燒鰻魚最後會加少少鹽作調味～ 一客精美嘅鰻魚重ready了～魚肉外皮烤得十分香脆，帶有炭火焦香！肉質紮實，鮮嫩肥美，有煙燻嘅原始風味。而服務生亦附上了即磨山椒粉丶日本醬油和Wasabi ，讓食客可根據自己喜好加入各款調味～另外亦有鰻魚醬汁，在白飯淋上滿滿的醬汁超級的下飯。 🔶鰻魚厚燒玉子$150充滿蛋香，嫩嫩口感非常滋味，中間夾著微甜的蒲燒鰻魚塊～忍唔住吃完一件又一件。 🔶淡路洋蔥串$40來自淡路嘅洋蔥真係好清甜爽口！完全唔會有一般洋蔥嘅苦澀～燒過之後更香更惹味！ 🔶雞胸肉紫蘇卷$50一串有3大塊，啖啖肉🥳夾著紫蘇嘅獨特芳香！呢度嘅服務生態度非常好👍🏼殷勤有禮，而且落單時也對菜式加以說明和介紹，很值得一讚。📍炭家 中環歌賦街24號地舖 歡迎訂閱～💗 YouTube 頻道：Scarlett To 旅遊玩樂誌▶️ http://www.youtube.com/c/ScarlettTo💗 Facebook Page：Scarlett To 旅遊玩樂誌 ▶️ https://www.facebook.com/unbelsorrisodallitalia 💗 Instagram：scarlett_to▶️ https://www.instagram.com/scarlett_to/💗 Instagram：scarlett_to_foodie▶️ http://www.instagram.com/scarlett_to_foodie/ 💗 MeWe: Scarlett To 旅遊玩樂誌 ▶️ http://mewe.com/i/scarletttoEmail 合作聯繫：unbelsorrisodallitalia@gmail.com
