開返晚市第一時間去打邊爐🤤旺角創興廣場有間新開幕喎～「泰金鍋 Thai Pot」主打泰式火鍋放題～除咗有好多款泰式湯底選擇之外💗仲有好多泰式小食/配料/飲品啊！仲有流水蝦，可以出去慢慢夾🥳 🔸120分鐘晚市任食放題🔸晚市有ABC三款任食放題，我哋揀咗B餐$268（新開張第1個月仲有優惠:4人同行，1人免費😱）B餐共有100款嘢食&配料🤤肉類有：澳洲產頂級草飼黑安格斯丶極上牛舌丶澳洲羊肩肉丶美國產下肩胛肉眼等等～一嚟到會擺低2大盤澳洲產頂級草飼黑安格斯😋 肉好鮮嫩～多汁有彈性👍🏼之後所有肉類都可以係QR code入面任點！牛舌我都鍾意💗 🔸湯底一共有八款湯底選擇，其中有幾款仲係泰式添🥳可以揀一人一鍋，或者同枱一個大鍋/鴛鴦鍋。我地揀咗泰式冬陰功湯底同埋檸檬香茅鍋，好香呀！而且湯底裏面好足料👍🏼涮完肉唔使沾醬都已經好入味～ 🔸邊爐配料除咗喺QR code入面落單，餐館中間係自助食物區，擺放咗大部分蔬菜丸類嘅配料，好整齊！真係令人食慾大增🤤最鍾意雪櫃夠凍，見到出晒煙感覺非常新鮮！💗蔬菜好鬼新鮮，選擇超豐富，就連羽衣甘藍丶鮮蟲草花丶花生豆芽丶紫淮山都有～仲有泰國特色炸物👍🏼辣魚餅丶炸豬皮…點擊圖片放大 🔸泰式熱食/小食出面自助區有幾款熱食，咖喱蝦真係必食👍🏼個醬汁調校到超正！見到仲有冬陰功海鮮炒飯丶青木瓜沙律丶酸辣鳳爪沙律…仲可以order 沙嗲串燒同埋脆皮年糕🤤真係「泰」正了。 🔸甜品/飲品/雪糕甜品有幾款泰式風味🥳大大件椰汁西米糕，仲有熱辣辣半溶榴槤炸彈！二飲品有多款冷泡茶，仲有龍眼冰丶泰式奶茶喔！居然仲有雪糕櫃，有我好鍾意食嘅煉奶雪條🤤現場仲可以自己整珍多冰🤩用餐區都好大，新裝修坐得好舒服😌仲非常配合主題🎶不停播放泰文歌～ 歡迎訂閱～💗 YouTube 頻道：Scarlett To 旅遊玩樂誌▶️ http://www.youtube.com/c/ScarlettTo💗 Facebook Page：Scarlett To 旅遊玩樂誌 ▶️ https://www.facebook.com/unbelsorrisodallitalia 💗 Instagram：scarlett_to▶️ https://www.instagram.com/scarlett_to/💗 Instagram：scarlett_to_foodie▶️ http://www.instagram.com/scarlett_to_foodie/ 💗 MeWe: Scarlett To 旅遊玩樂誌 ▶️ http://mewe.com/i/scarletttoEmail 合作聯繫：unbelsorrisodallitalia@gmail.com
