天氣凍凍地🥳去打邊爐就最正👍🏼喺旺角開咗間好有特色嘅新派潮州菜，仲首創咗潮仙風味鹵水邊爐湯底～咁潮！即刻去嘆嘆先💗 餐館叫做「潮州鹵漢」，攞咗潮州怒漢嘅同音字🤩而裝潢設計以紅色為主調，夠晒摩登👍🏼用餐區好闊落舒適。 細看之下，仲會見到一啲舊式懷舊風用品，例如～上世紀嘅中式痰罐同埋萬壽無疆功夫茶杯⋯配埋新派裝修💗古物變潮物👍🏼好Match! 🔶湯底點咗2款充滿潮式風味嘅湯底～鹵水湯底以前真係未試過🥳原來係店家首創👍🏼 鹵水味道濃郁鮮甜有回甘～入面有鴨血丶鹵水豆腐丶中芹丶京蔥⋯全部都吸晒湯底精華💗好入味～另外沙茶湯底都好唔錯👍🏼以自家製沙茶醬調製，有滿滿蝦乾鮮香，又有蒜香鹹香，味道有層次。 🔶火鍋x九宮格每款正價湯底會包埋一份九宮格九款唔同嘅配料👍🏼每一格嘅配料都用萬壽無疆杯盛載著～打卡靚喎🥳當日配料有西班牙黑豚片丶潮仙牛丸丶萵筍丶雞肉丶炸枝竹丶潮汕魚片丶白蘿蔔丶芝士腸⋯💗啱晒我地人少少但係樣樣都想食嘅狀況👍🏼我最鍾意好彈牙嘅潮汕魚片同埋超吸湯嘅炸枝竹。 🔶封門柳靚肉手切封門柳都係我打邊爐首選之一，見到依到新開幕有優惠🥳當然要點返碟👍🏼肉味濃郁肉質又嫩。 🔶脆米荔枝蝦丸造型好有驚喜！彈牙滑溜嘅蝦丸以脆米包著～炸得熱烘烘，外型似足一粒粒荔枝🥳一咬落去半溶芝心餡爆曬出嚟，口感豐富👍🏼正！ 🔶自家製菊花蜜（凍/熱）我地點咗熱嘅🥳入口滋養潤喉，滲著清甜菊花香，解熱氣一流👍🏼 🔶功夫茶凍將潮州傳統功夫茶轉化成甜品～藏喺淡奶裏面有功夫茶凍糕～質感滑滑清爽，入口滿有茶香💗配合埋軟糯香甜嘅紫米～整體味道好夾有驚喜🔶牛奶芋圓西米露好有奶香💗芋圓顏色靚又Q彈～中間一大球看似是冰淇淋卻有一絲絲條狀口感👍🏼 入口綿密即溶。 🔶開幕優惠見到而家新開張做緊優惠呀～喺15/12前～只要Like 店家嘅FB+IG，再付出＄1就可享有鴛鴦湯底 🥳同埋以半價$74換購手切封門柳～抵呀！除咗打邊爐，呢到仲有潮式熱葷小炒同埋招牌鹵水系列👍🏼選擇都幾多元化。 見到有鹵水鵝肝丶鹵水鵝片丶煎蠔烙丶潮州兩面黃⋯都好吸引呀。📍潮州鹵漢大飯店地址：九龍旺角瓊華中心8樓 歡迎訂閱～💗 YouTube 頻道：Scarlett To 旅遊玩樂誌▶️ http://www.youtube.com/c/ScarlettTo💗 Facebook Page：Scarlett To 旅遊玩樂誌▶️ https://www.facebook.com/unbelsorrisodallitalia💗 Instagram：scarlett_to▶️ https://www.instagram.com/scarlett_to/💗 Instagram：scarlett_to_foodie▶️ http://www.instagram.com/scarlett_to_foodie/💗 MeWe: Scarlett To 旅遊玩樂誌▶️ http://mewe.com/i/scarletttoEmail 合作聯繫：unbelsorrisodallitalia@gmail.com
