終於抽到時間享受二人世界，本來十月尾book咗Staycation慶祝結婚同拍拖紀念日，不過最後因為酒店嘅關係而取消，老公知道我唔開心，就建議去食Omakase補數。 今次去咗老公同事推薦位於銅鑼灣嘅日本餐廳，餐廳環境同氣氛都好舒服，司傅會同我哋傾吓偈了解吓我哋對食物嘅喜好同埋到店嘅原因，之後一切交俾司傅決定，我哋就享受呢個短短嘅甜蜜時光。 《Omakase-Gin》前菜3種盛：墨魚鬚配芝麻醬，爽口彈牙鮑魚配三文魚籽，以金箔點綴，鮮甜美味水雲酸味味，酸酸甜甜，好醒胃點擊圖片放大 刺身7種盛：北海道原隻海膽，鮮甜肥美薄切右口魚配酸汁，結實爽口酒煮粒貝，微微酒香燒北寄貝，鮮嫩可口鰤魚，油潤柔軟秋刀魚，鮮甜美味牡丹蝦，爽甜彈牙 和食：螺片，美味可口燒雞翼，鮮嫩多汁 天婦羅：沙嘴魚、秋葵、日本青椒仔、菇、茄子，皮薄香脆不油膩 壽司五貫：針魚，質感爽口金木鯛，甘甜可口黑陸魚，油潤滿分超拖，入口融化北海道海膽，鮮甜濃郁 汁物：魚奶湯，魚味香濃甜品：靜岡蜜瓜和紫薯奶凍，先食奶凍，幼滑唔會好甜，蜜瓜多汁香甜。 仲有兩款廚師推薦，都係我哋鐘意食嘅嘢：阿波尾雞沙律，我鐘意食沙律，第一次食阿波尾雞沙律，外貌似魚片沙律，食落去似煙熏三文魚嘅味道，再配柚子味沙律汁，好味又開胃。 鰻魚豆腐，老公鐘意食鰻魚，呢款鰻魚豆腐好特別，外脆內軟，兩款食材好夾。-------------------------------------------------------------------------------------------------------------壽司櫻銅鑼灣登龍街28號永光中心16樓28983399
