喺東京之旅之前，就先同媽咪去福岡旅行。 呢次重返福岡，心情係好興奮。雖然2013年暑假只係喺福岡生活左一個月，短短一個月大學交流。不能話馬上擴闊左好大眼界，但的確令我好鐘意呢個地方。福岡，比東京、大阪呢啲大城市的確冇咁繁榮。但正正因為，佢就有一份樸實的感覺。人口唔多，地鐵唔似東京地鐵咁，多人到插針都插唔入。地方都乾淨，（大阪就唔太乾淨）。 簡單講下行程。 23/10/2015 香港機場 - 福岡機場* 24/10/2015 博多Hakata - 小倉 - 別府* 25/10/2015 別府 - 由布院 - 博多* 26/10/2015 博多 - 太宰府 -天神 -博多* 27/10/2015 博多 - 中洲川端 - 福岡機場 - 香港機場* 福岡另外一個吸引嘅地方係福岡機場去市區係超級方便。只需要由本來落機嘅Terminal2 搭一個免費嘅Shuttle Bus去Terminal1，就可以搭地鐵去市區。去市區，例如博多站只係講緊2個站。係兩個站，冇睇錯。 平時去東京、大阪機場去市區，閒閒地1個鐘。坐完飛機仲要咁樣坐出市區，真係坐到頭暈。所以去福岡不錯架。 喺博多果幾日都係同一間酒店 Hakata Green Hotel No.1 都幾舒服。 第一晚係BOOK 兩張單人床，間房空間好大，好乾淨。之後住都係雙人床就細好多。我記得一晚大約$600左右。
