早上 10:40 坐 CX 航班出發 ! 呢班機真係唔錯, 一來係平過 8 點幾個班, 而且我坐個班超少人 一上到機, 空姐已經同我講可以任坐 (當然係指 same class 啦 ^^), 我就獨霸 2 個位, 一個坐, 另一個放野, 正! PS: 呢度提一提大家, 如果係在香港已經網上申請了入台証, 係唔駛填空姐派畀你既 form 架 ^^ 到左台北桃園機場後, 就去換台仔同出電話 之前 research 過, 知道機場可買 "台灣大哥大" (個價好似係 NT$500, 唔太記得 sor), 可以無限上另可打約 20mins 回香港 小弟極建議買, 因為一來可以用 facetime 等 software 打回家 (免 idd), 更重要係行街時可以用 google map! 係台灣 5 日, 可能當地建築無香港咁高, google map 定位都幾準! 最後, 當然係去出入境大堂下一層買飛, 坐 "國光客運" 去 hotel 啦~ (下圖 7 號 window 便是了) 之後出去門口等車 雖然車係寫住去台北車站, 但其實有免費駁車去西門町 (賣飛個嬸嬸會問你去邊間 hotel) 簡單黎講, 係去 "台北西站A棟" 轉車 ~ 今次小弟住既 hotel 係 "意舍", 是 2012 年初新起的, 所以在 "西門町捷運站 1 號出口" 下車 落左車, 行約 10 mins 便到 hotel 了 (hotel 詳情會係另一篇詳談 ^^) 放好行李後, 因太肚餓, 便先在西門町先行 "覓食" 首先去了 "阿宗麵線" 之後便食 "可樂餅" (sorry, 太餓了...食了一口才影相) 之後就坐捷運去 "東門站" 食聞名的 "永康牛肉麵" PS: "東門站" 是 2012 年才開通, 很多旅遊書都是沒有提及的 由東門站步去到食店, 約 10 mins (中間會經過渡小月的) 一入來便是大大的 "壁畫" 顯示店內的美食 叫了一個牛肉麵 (清湯唔辣) 同豬腸 (辣的) 個麵真係好正! 最後依天書地圖 + google map 引路, 步行了 約 15-20 分鐘便到了師大夜市 飽嚐美食後, 便回西門町了 由於不太夜, 還可到西門町的 "紅樓" 參觀 裏面除了介紹紅樓歷史外, 仲有不少創意店舖, 好值得去找找手信的 ^^ 點擊圖片放大 同場加映: 西門町竟有 "三哥米線"...
