https://www.mrlamsan.com/2020/12/Snapper.htmlhttps://www.instagram.com/p/CJPi2MQJnUN/疫情下,沒有了晚市堂食,但日頭都唔得閒過黎食,唯一既方法就係叫外賣今日去朋友屋企,我地最後決定買外賣上去食佢附近樓下有間魚湯專門店,有定食,有湯麵款式十分之多,最重要食完好滿意,好有水準我明白店家係盡量都唔想做外賣生意,但係疫情之下,大家都要面對現實,做多一單生意就係一單好彩都比我叫外賣買走叫左2SET定食, 雜菇肥牛飯加魚湯烏冬麵另一款係汁煮豬軟骨飯加魚湯烏冬另可追加小吃,要左一款炸到炸豬扒同炸雞塊呢種日式風格小店,食物水準亦相當到家最重要係服務良好,價錢經濟解禁堂食必定再次到訪 配左一客沙律,係沙律薯仔,一客份量不少,食到幾件薯仔同沙律菜仲有番茄片,夠清新 炸雞小吃同樣唔馬夫,即時炸起,伴以沙律菜同沙律醬炸雞一客有五件,咬開仍有肉汁,外皮仍夠脆,沾上沙律醬食味道會再濃少少 炸吉列豬扒,同樣都係配沙律菜同沙律醬份量十足,切埋都成6件,厚切有1CM既豬扒,包住脆身既麵衣,就咁食唔沾醬都非常好吃 汁煮豬軟骨非常入味,好有膠原,食到脆脆既口感之餘肉又好嫩滑,食得出製作好有心機唔會煮到太爛太軟,保有一定口感,再配埋少少水煮蔬菜,個飯賣相唔會咁單調,食落都健康少少味道,賣相都唔錯,推薦 米飯粒粒爽身,吸左甜甜地既滷汁,撈飯食唔錯 最後就係肥牛飯,雖叫肥牛,但肉片不肥,半肥半瘦,食落仍有彈性,唔係煮到軟爛個種日式肥牛片加上雜菇片,食落味道有層次,最重要係個醬汁調得好,少少甜唔會蓋過食材本身既味道超大碗,份量十足,食左沙律,小吃,肥牛飯,飽到第2日下午,好抵食 最後的最後,魚湯烏冬主打鯛魚湯底 魚味較濃,味道較鮮,魚油豐富,帶少少膠質感,鮮甜濃郁 加埋嫩滑既烏冬麵條,飲完暖胃又滿足 鯛魚魚湯專門店 Snapper 鰂魚涌海堤街6-16號龍景大廈地下3A舖 九龍城衙前圍道84號地下A號舖https://www.openrice.com/zh/hongkong/restaurants?chainId=10005935&chainName=%E9%AF%9B%E9%AD%9A%E9%AD%9A%E6%B9%AF%E5%B0%88%E9%96%80%E5%BA%97