最近終於去咗山梨花野，試咗好想食嘅富士山飯，咁啱去到差唔多15:00見有半價割引，所以就去試。 餐廳需要用QR Code點餐，只有［無五辛富士山四品定食］先會有半價優惠。「無五辛」係指不含蔥、蒜、韭菜、蕎頭同洋蔥。富士山(無五辛)四品定食包： ［一品］餐湯，有日式粟米湯或蘑菇忌廉湯可選；［二品］前菜，可揀篙筍凍豆腐或羽衣甘藍沙律；［三品］主菜，有野菜炒素雞柳/素牛肉揀；［四品］富士山蝶豆花飯，可以揀西蘭花菠菜汁或椰子白咖喱 而飲品就可以揀熱綜合花茶/凍烏龍茶/加$12轉凍士多啤梨奇亞籽燕麥奶等，而甜品則有海鹽焦糖冬甩雪糕或椰汁西米布甸可揀。 富士山(有五辛)四品定食($88) 只有少少分別，［二品］前菜，有多個選擇：牛蒡甘荀沙律；［三品］主菜，則有椰菜花漢堡，野菜炒牛肉及吉列素豬扒可選；［四品］富士山蝶豆花飯，有咖喱汁(甘口)飯、冬陰功汁(BB辣)同西蘭花菠菜汁飯，而甜品選擇一樣。兩款定食我都試過—— ［一品］餐湯：日式粟米湯同蘑菇忌廉湯，味道都比較淡身，味道更濃稠會較好； 而［二品］前菜：篙筍凍豆腐及羽衣甘藍沙律，兩者我都好鍾意，凍豆腐夠冰涼同滑身，配上胡麻醬很合適（有次沒配醬，則較失色），羽衣甘藍沙律一樣出色，薑黃醋汁味夠，最鍾意沙律加入小紅莓乾果，配搭食落新鮮開胃！ ［三品］主菜: 我試過野菜炒素牛肉，吉列素豬扒同椰菜花漢堡，野菜炒素牛肉同吉列素豬扒都不錯，牛肉素豬扒嫩口，不油膩，野菜亦夠味，感覺健康，椰菜花漢堡比較熱氣，味道普普通通；點擊圖片放大 ［四品］富士山蝶豆花飯，西蘭花菠菜汁比較淡味，若更濃稠會較好，咖喱汁(甘口) ok，不過不失，若有中辣會更好，椰子白咖喱唔錯，值得推薦，椰子味清新，但飯汁的溫度需要提高少少，富士山蝶豆花飯軟硬適中，但有時形狀不太完美。 飲品的無糖熱綜合花茶不錯，保溫瓶能做到一餐飯的保溫效果，值得一贊！花茶需先放一會，可以再加水。 甜品海鹽焦糖冬甩雪糕同椰汁西米布甸，同樣好食！尤其喜歡雪糕的冬甩，細細粒軟綿有咬口，猶如上天堂的感覺，可沾上海鹽焦糖，沾少少就已經好鹹，個人更喜歡冬甩的原味。雪糕加上海鹽焦糖醬食，感覺特別。 椰汁西米布甸裝飾似盆栽，鋪上一層黑糖，加上一朵食用花，椰汁西米不膩，布甸食落有層次，唔會太甜。有機會大家都可以去試吓，幻想吓喺富士山下。 𝓢𝓪𝓷𝓭𝔂 𝓕𝓸𝓸𝓭𝓲𝓮𝓼’ 𝓣𝓲𝓹*山梨花野星期一至五(除假期外) 15:00-17:30［無五辛素食料理］都會有半價割引This is not a sponsored post.山梨花野𝑃𝑟𝑖𝑐𝑒: $48 ($97 𝑂𝑟𝑔𝑖𝑛𝑎𝑙 𝑃𝑟𝑖𝑐𝑒 𝑖𝑛𝑐𝑙. 10% 𝑆𝑒𝑟𝑣𝑖𝑐𝑒 𝐶ℎ𝑎𝑟𝑔𝑒)𝑇𝑜𝑡𝑎𝑙 𝑅𝑎𝑡𝑖𝑛𝑔: 7/10𝐿𝑜𝑐𝑎𝑡𝑖𝑜𝑛: 𝑀𝑖𝑘𝑖𝑘𝑖, 𝑆𝑎𝑛 𝑃𝑜 𝐾𝑜𝑛𝑔———𝐶𝑜𝑛𝑡𝑎𝑐𝑡:𝑆𝑎𝑛𝑑𝑦 𝐿𝑒𝑢𝑛𝑔𝐹𝑎𝑐𝑒𝑏𝑜𝑜𝑘: https://www.facebook.com/sandyleungmw𝐼𝑛𝑠𝑡𝑎𝑔𝑟𝑎𝑚: https://www.instagram.com/sandyleungmw𝑌𝑜𝑢𝑇𝑢𝑏𝑒: http://bit.ly/slventures𝐸𝑚𝑎𝑖𝑙: 𝑠𝑎𝑛𝑑𝑦𝑙𝑒𝑢𝑛𝑔𝑚𝑤@𝑔𝑚𝑎𝑖𝑙.𝑐𝑜𝑚#sandyfoodies #foodie #food #山梨花野 #日式 #下午茶 #富士山 #富士山飯 #mountainfuji #fuji #冬甩 #雪糕 #海鹽 #焦糖 #黑糖 #椰汁西米布甸 #椰汁西米 #布甸 #蝶豆花 #dessert #甜品 #雪糕 #花茶 #hktea #hkrestaurant #hk #mikiki #新蒲崗 #sanpokong #飲食 #美食 #UBlog飲食
