上星期難得有啲空閒,所以同朋友去咗中環九如坊嘆一個「英國神祕花園」雙人英式下午茶。之所以揀呢間Tea,就因為佢有一塊大花牆、英式電話亭、皇冠郵筒,滿滿英倫風不禁令我想起兩年前英國之旅。 到達蘭桂坊酒店,先係接待處量體溫登記,就可以直上4樓既BreeZe Lounge空中花園,揀個自己鍾意嘅位。等待的時候可以先係座位四周都打卡一番,打完卡,期待嘅英倫Tea set就差唔多到啦!點擊圖片放大 +2 Tea set 有4件scones配以clotted cream同strawberry jam,鹹點有蘇格蘭煙熏三文魚小食、煙肉薯蓉芝士撻、蟹肉蛋沙律三文治,而甜點就有意式奶凍配strawberry sauce,chocolate mousse cake,chocolate fruit tart同芒果椰香奇亞籽布甸。飲品則有即磨咖啡同各款英式茶,但由於天氣太熱,所以我同朋友只選擇飲支裝凍水。 整體來講,Tea set 鹹點上我比較喜歡蟹肉蛋沙律三文治,而甜點就喜歡chocolate mousse cake同芒果椰香奇亞籽布甸,mousse cake朱古力味夠濃,奇亞籽布甸mango sauce夠濃,配搭夠fresh!其他而言,個人覺得煙肉薯蓉芝士撻薯蓉同芝士味未夠濃,scones外面較硬身,入面亦未夠鬆化,未做到入口即溶。而環境係開放式,座位台數不多,雖然天花有風扇,但並未有開,座位有內外可選,外面間中有風,但環境都偏熱。由於下午茶需要預約,所以食客人數會有限制,環境亦通風,享用時也較為安心。 食過Tea set後,當然就要去返今次嘅重點打卡位,由室外返入內,角落位置就係打卡位啦!據說花牆係由999朵粉色花砌成,除咗花牆,英式電話亭、皇冠郵筒、雲石枱同粉色高凳都係少不了打卡再打卡!點擊圖片放大 +2 今次「英國神祕花園」為題嘅英倫Tea set,也值回票價,過一天舒適安心嘅悠閒假日!Contact:Sandy Leung 梁雯蔚Email: sandyleungmw@gmail.comFB: https://www.facebook.com/sandyleungmw/IG: https://www.instagram.com/sandyleungmw/YouTube: bit.ly/slventures