早排去咗一間位於筲箕灣既小店，擁有具特色既店名「Sushi Men X Oyster Men」，名乎其實就係食壽司同食生蠔。 店舖既落單牌係一張大過膠牌，十分環保。 試咗兩款生蠔，一款係蠔界既勞斯萊斯，法國蠔 Gillardeau (No.2)，另一款係 Majestic，店主話要先試 Gillardeau，再試後者。相較之下，Gillardeau (上) 食落層次比較微妙同豐富，夾雜著新鮮原始既海水鹹味，蠔肉鮮甜，海水味重，係口腔內徘徊不散。 而 Majestic (下) 肉質肥美，海水味比較淡，但回甘較強。 試完生蠔作為前菜，之後當然唔少得我最愛的三文魚，一碟大三文魚腩先可以滿足到我。三文魚腩新鮮，油脂比例均勻，唯獨有兩三塊筋膜未完全清理，但整體上質素不俗。 壽司點了兩款特色卷物——牛油果龍蝦卷同軟殼蟹卷。牛油果龍蝦卷牛油果味濃郁，龍蝦鮮甜，食落不膩。軟殼蟹夠脆身，配上碎生菜、千島醬、蟹籽，口感豐富有層次，配搭不錯！ 點擊圖片放大 +4 最後，點咗一碗細野菜牛肉飯，味道不錯，飯汁配搭得宜，味道合適，牛肉蔬菜份量分配平均，口感正好。 點擊圖片放大 由於店舖環境不大，想去食既朋友可以先訂座。 Sushi Men x Oyster Men (筲箕灣) 價錢: $$ 食物: 8/10 環境: 6.5/10 位置: 6.5/10 地址：筲箕灣筲箕灣東大街2號麗東海景豪苑1座地下2號舖 Contact: Sandy Leung 梁雯蔚 Email: sandyleungmw@gmail.com FB: https://www.facebook.com/sandyleungmw/ IG: https://www.instagram.com/sandyleungmw/
