係復活節假期前,去咗 Pizza Hut 參與手藝 pizza 薄餅製作工作坊,開始前店員叫我地揀一款 pizza,分別係三文魚誘惑 (煙三文魚) 同巴拿馬風情 (Parma Ham) 薄餅,作為三文魚既 Big Fan,當然揀咗整一個誘惑的三文魚薄餅啦! 一開始,Pizza Hut 師傅先講解做 Pizza 既步驟,首先將麵粉推成一個小山,再將麵團放入麵粉兜內拍上4次粉後輕力壓扁,之後用指頭輕戳四周,令空氣進入,形成氣泡,再向外拉開,便可以開始手拉 Pizza。 點擊圖片放大 過程中轉動 Pizza 薄餅底時要比較小心,速度要夠平均,盡量避免整穿氣泡,因為氣泡會令 Pizza 食起嚟更有口感。呢個步驟係製作過程中比較需要有技巧的,亦係最有挑戰性。 將 Pizza 薄餅底拉開成同烤盤相近的圓形大小後,便可以放入烤盤,再將薄餅底於盤內慢慢向外推至貼近烤盤邊緣,可能因為麵團比較細,唔小心推穿了一個細窿,之後師傅以純熟的手藝幫我砌好 Pizza 的薄餅邊。 薄餅底做起成形後,先落上適量的蜜糖芥末醬,再落一層碎芝士。之後, 平均地放上洋蔥圈、大蝦、車蕃茄,最後再上一層碎芝士鋪面,就可以比師傅攞去廚房烤,煙三文魚、忌廉芝士、火箭草同刁草會係 Pizza 烤好之後直接鋪上面。 點擊圖片放大 大概等了10分鐘左右,我第一次自己整既 Pizza 出世啦! 新鮮出爐,當然要即時試下啦!手拉 Pizza 既口感很特別,煙三文魚亦有鮮味,忌廉芝士等配搭得宜,實在值得去試! Contact: Sandy Leung 梁雯蔚 Email: sandyleungmw@gmail.com FB: https://www.facebook.com/sandyleungmw/ IG: https://www.instagram.com/sandyleungmw/