之前睇左網友分享美利酒店半自助餐，睇到果盤生蠔同醬油漬鮑魚，已經好吸引，加上身邊有好多處女座朋友生日，所以約埋一齊去試。現場環境十分之舒適寬躺，一坐低我和朋友就order 香檳任飲free flow。頭盤海鮮真係冇得輸，鮑魚，生蠔，青口好正，反而魚生同凍蝦就一般。另外沙律，芝士，煙火腿同煙三文魚都好好味。主菜有6款可供選擇，我哋4人點左焗羊排，二人海鮮拼盤，海鮮扁麵，味道十分之有水準。由於有朋友生日，酒店安排送上生日蛋糕慶祝。甜品比較特別係焦糖蘋果蛋糕，蘋果中和好甜嘅焦糖，而且味道好夾，毫無違和感。另外推介就係拿破崙配上吉士醬，唔係好甜。正！不過美中不足就係咖啡茶都冇提供。
