睇到有空姐寫左一篇關於機艙廁所的文章, 見人地寫得咁過癮搞到我都想寫下以前一D耳聞目睹過的機上廁所奇聞! :P 飛左咁多年, 有兩件發生喺廁所既事最令我印象深刻兼O咀... ****************************我是分隔線**************************** 有一次做完meal service, 機上既乘客訓覺既訓覺, 打機既打機, 而當我準備行出走廊返入廚房時, 我見到有兩個男人一齊行入廁所。我覺得好奇怪, 於是我就係條門罅度裝下入面做緊咩。我見到其中一個人坐左喺洗手台上面, 而另外一個就...... 睇唔到。出於對乘客既尊重, 我無即刻拍門叫佢地出返黎, 於是我就企喺廚房等佢地出黎。過左一陣佢地出黎既時候一見到我, 兩個個樣都超級尷尬, 其中一個煞有介事即刻同我講: 「我朋友佢唔舒服, 所以我陪左佢入廁所。」之後急急腳行返埋位。至於佢地喺入面做過咩? 各位自行判斷啦, hehe... 另外又有一次, 又係剛派完餐, 返入廚房泊低D餐車後, 有個客走入黎同我講: 「唔該, 你地可唔可以過一過黎呀? 個廁所好污糟。」原本以為唔知邊個又唔記得沖廁, 點知當我行到去廁所一拉開門, 嘩! 簡直唔相信自己眼前既景象...... (圖片可能會引起不安) ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ 同事: 「會唔會係奶呀?」 我: 「但係有邊個會喺廁所度飲奶先?」 同事: 「阿媽沖奶俾BB飲?」 我: 「如果你係阿媽你會唔會俾個仔飲廁所水沖既奶?」 同事: 「係咪洗手液滴左落地?」 我: 「但係洗手液既噴咀係對住洗手盤架喎, 要滴落地其實都幾高難度。」 如此這般, 我同另外一個男同事研究左好耐, 最後都覺得呢幾撻野唔似奶或者洗手液, 而係... 你懂的! 正當我地打算report俾senior知既時候, 廁所外已經排左一條長長既人龍, 為免D客等得太耐我就拿起手套之後跟手「沈」左一堆廁紙落地清理左佢算數。事後同事問我最後知唔知嗰D係咩, 我話: 「原本我地都想聞下, 但係最後都係無呢個勇氣去證實。」奉勸大家一句, 就算喺機上有幾「性急」都麻煩落到地先解決, don't beat your small airplane on our big airplane! ------------------------------------------------- facebook page: https://www.facebook.com/ilfaitsibeauaujourdhui
