究竟Pokemon Go出現左之後，對男女感情造成咩影響？呢度分享十個「假如我男朋友是寵物小精靈」可能出現既徵狀，拍緊拖既你又出現未呢？ 一. 寵物小精靈成為Whatsapp內容 個Game咁爆，我男朋友當然唔會輸在起跑線。你可能依一兩日會從男朋友對話內容當中，聽到佢開始玩Pokemon Go，你會有種心感不妙的感覺，事關你怕佢又好似之前咁為左打機又唔鬼理你。你無想過，今次輪到一堆小精靈成為了「第三者」。 二. 建立共同興趣 唔駛咁Sad既，多得Pokemon Go遊戲設定比較簡單，亦考慮到加入女玩家既元素，例如遊戲設有男女角色 (仲有得幫角色換衫褲，So Cuteeeee！)，吸引更多女性玩家加入。Down左game既你會發現佢都幾好玩 (圖：我既第一隻小火龍)，並且投入到玩埋一份，呢個時侯你就會更加明白自己男朋友，共同既話題同興趣就咁樣建立左。 三. 幻想是遊戲中既男女主角 唔知係咪平時FF得太多，當遊戲setting一彈出角色設定版面既時候，我已經幻想男既係我男朋友，女既係我，哈哈...(乾笑)。說真的，男女角色的畫功真是一流 (咳)。 四. 增加浪漫感 (?) 呢個想法係我無意中比Facebook貼文啟發到，女既同自己男朋友講：「(淘氣)你唔好掛住捉小精靈啦，不如你捉我？(興奮mode)」根據幻想，男朋友可能會因為呢句說話同女朋友係花間玩「撲蝶」，但我既現實情況大多數係換黎一片沉默。不過我唔會反對大家向男朋友撒嬌...真係講得出口既，歡迎你留言反映比我知結果。 五. 提升伴侶的可愛CP值 不得不承認，我細個睇《寵物小精靈》既時候已經認為比卡超、小火龍同傻鴨好可愛。而家自己男朋友做埋兼職寵物小精靈訓練員，望見佢成個傻仔咁係街度行黎行去，為左捉到一隻罕見橋精靈而雀躍，兩樣事物加埋就覺得更加可愛。你又點睇？ 六. 發現男朋友的優點 當你既男朋友投入玩Pokemon Go，某程度上就化身成一位專業人士(?)，掌握各種攻略既佢一定會係你玩Game既路上提供最有用既資訊。有一個願意給予援手既男朋友，也不賴嘛 ~當然女囝都可以幫返自己男朋友，都幾有成就感架。 七. 拍住拖捉小精靈 平時行街睇戲食飯咁悶，不如趁而家同男朋友一齊出去捉小精靈啦？一來有新節目，二來又是免費，Why not? 八. 增加刺激感 當兩個人一齊唔知做咩好既時候，有時都會覺得悶。透過Pokemon Go，女朋友可以成為佢既親密隊友，共同合作收集新奇既小精靈，又可以同男朋友對戰連場...都幾有新鮮感！ 九. 一齊做運動 平時本人極宅既男朋友一放假都是留係屋企打機，難得今舖一定要出街先捉到精靈 (唔係就只會有蝙蝠...)，作為女朋友又點會錯過？不妨約佢出去，一邊做運動一邊捉精靈，對大家健康都有好處啊。 十. 拖住手做低頭族 低頭族係一個唔值得鼓勵既事，但如果男朋友可以幫自己睇路，而且拖住自己既手周圍去收復小精靈，其實都是一種幸福喔。 女生不妨趁機會影低男朋友拖住自已既相，Po文放閃喔！ 喜歡這篇文章嗎？邀請你到我的Facebook專頁按讚！ 或點擊此圖按讚或分享！ 或者你有興趣閱讀：《十個同宅男拍拖會遇到既情況》
