2016 . 01 . 09 South Korea 慢走... 南怡島－好多有名嘅韓劇都會係道取景嘅地方 尼道一年四季嘅風景都唔同 吸引左好多遊客一年四季都去 但今次我地係系１月頭去 未去到落雪嘅時候 又過左紅葉嘅季節 所以無咩好特別嘅風景 去南怡島嘅主要方法都係 搭鐵路去加平站 然後搭Shuttle bus 去南怡島站落車 再搭船去南怡島 大家要注意係尼條線嘅班次好疏嫁 差唔多半個鐘到一個鐘一班 而Shuttle bus 同船嘅班次都唔密 唔係好記得大約係幾諗一班 所以大家去嘅就要預多啲時間去啦～ 入場費係8000won (遊客價錢,記得帶護照呀) 落船後 除左開始周圍影令相外 記住拎番張南怡島嘅地圖啦~ 點擊圖片放大 +4 行到去個島嘅中段 就會開始有食店 大家可以坐底食啲野 再繼續行 我地去左好多人推介嘅《冬日之戀》食野 出名原因同樣係因為一套韓劇 我地叫左好出名嘅鐵盒便當同泡菜餅 食法好簡單 就係戴手套 不斷搖勻鐵盒入面嘅飯同配料 完成食得 整體來講就麻麻啦 好普通下 而個泡菜餅就……一個字『鹹』 但係我地因為要趕住去小法國村 而決定早少少離開 (因為去小法國村尾班車好早 其實同我地搭去南怡島嘅車一樣 只不過要搭多一站 所以要早啲起程) 小法國村嘅入場門票6000won 20:30就閉館嫁啦~ 由南怡島站到小法國村站嘅路程大約要２５－３０分鐘 真係幾遠外嫁 其實辛辛苦苦入到村 第一眼真係覺得值得 但入到去就發現條村好細 唔洗20分鐘就可以行完 其實日同夜嘅景都各有靚嘅地方 但我地去到已經係夜晚 好多靚景都影唔太到 因為好暗 村入面嘅燈唔夠多又唔夠光 所以會黑黑咁 成條村最大嘅賣點就一定係尼個位啦---《來自星星的你》拍攝嘅地方 充滿住異國風情 尼到去到特定嘅時段 種有表演同播放劇中在此取景嘅一小段 點擊圖片放大 +3 其實整體都唔錯嘅 但又好似唔係好值得咁 如果大家有時間又咁啱都去南怡島嘅 都可以到訪一下嘅 **個人經歷**如果大家同我一樣夜晚去嘅話 就要注意啦 因為當時我地當時以為有車番去車站 但等極都冇車 而我地看到對面(近村)車站好多人等車就決定博一博 最終我地上左一架開住邊都唔知嘅公車 …………最後我地搞左幾個鐘終於番到去 故事教訓大家出發前一定要做好資料搜集 搵好有冇車走 確保自己嘅安全啦~ 尤其是係韓國 真係冇幾個人識英文嫁 我地咁好彩番到去 全靠好彩咁遇上好熟路嘅台灣人 如果唔係…… 旅程中… 多多少少都會遇到不在預計範圍的事 有人視之為危機 但我卻認為這正正是旅行有趣的事 因為住住發生這樣的事 才會成為你我他共同的回憶
