籌備左大半年，上個月尾終於順利完婚，趁住呢排放假得閒想紀錄下自己嘅備婚心得，今次就打算分享左最特別嘅一part先，因為比起租婚紗租裙掛，網上關於租金器嘅分享都真係唔算多，希望呢次分享可以幫到嚟緊有興趣租金器嘅B2B們～當初諗住租金器其實係因為我媽咪，佢當初結婚啲金器係冇摆到落保險箱嘅，反而喺屋企左攝d右攝d，話咁樣萬一俾人爆格都唔至於損失晒全部，但估唔到嘅係幾年前搬屋嗰陣阿媽竟然唔記得左啲金器收埋左喺邊，最後有一部分俾佢連埋個好舊嘅櫃同d 雜物一齊掉左，真係諗到都心痛… 從而可見婚後金器嘅存放都係一個需要考慮嘅問題，講真擺喺屋企我就唔多放心，但如果只係幾對龍鳳鈪我又真係唔想特登租個保險箱放，尤其是而家去大銀行又好難排到保險箱，私營嘅又年年幾千，超級唔化算，於是我就下定決心租金器了😂廢話就唔多講啦，俾大家睇睇我最後租左嘅結婚金器先～ 我幫襯嘅呢間舖頭有超多金器款式可以揀，一開始我真係冇乜頭緒，好在個Staff有俾好多建議我，淨係龍鳳鈪都拎咗七八對俾我試，連豬牌都有好幾款，唔同層數都有，所以就算係比較嬌小嘅女仔都可以揀到合適嘅長度。而我揀嘅呢三對龍鳳鈪主要都係囍字加龍鳳圖案，兩對磨砂底加一對光面底，咁樣搭配有種相得益彰嘅效果，每對都各有特色。Btw，呢間仲有好多鏤空同立體設計嘅龍鳳鈪都好靚，只不過我家長輩就覺得我戴呢幾對會顯得大氣啲。佢地店鋪環境都幾闊落，大家如果上到去嘅話可以慢慢揀款，試多幾對睇下邊啲款先係最啱自己。 豬牌就唔駛多講啦，四代同堂，多子多福，個staff都話呢款係佢地鋪頭最受歡迎嘅頸鏈之一，基本一試上身都已經決定租。 而且最令我滿意嘅係，呢間租嘅金器都係全新，隻隻都好閃好令！個staff喺我租之前仲拎咗啲準備去熔解重造嘅金器俾我睇，話就算就算到時還金器個陣變晒形甚至係好似佢地咁壓扁晒，都唔洗賠錢，因為每次佢地都會咁樣壓碎晒先拎去熔，（當然我覺得壓扁可能性不大XDD，不過聽到佢咁講又真係安心咗好多） 咁揀好晒之後就可以確定埋租用日期，一般租金器都係會租3日2夜，big day前一日拎，big day後一日就還，我個陣連婚紗都係喺佢地附近條婚紗街度租嘅，所以一次過就可以還晒金器同婚紗，超級方便。俾埋我當日還金器嘅相大家睇睇，嗯… 我自己就覺得我好彩係租唔係買，其實我big day個日已經盡量小心，但要趕頭趕命咁換衫，跟住又有啲碰撞，結果啲龍鳳鈪就變到咁啦。不過個staff就話我呢幾對已經算小事 > < 豬牌就還好，冇咩變形同刮花。最後順順利利退埋啲押金就走得啦~ 希望今次嘅分享可以幫到各位B2B啦~ 祝福每一位B2B都可以有個完美嘅婚禮！💖~~~~~~~~~~~~~~~~~~~~~~~~~~~~~~~~~千金金業 Kallisti Gold預約電話：67231170店鋪地址：尖沙咀諾士佛臺4號東港商業大廈12樓05室營業時間：星期一至日 1pm – 8pm
