MI帶住大包小包美妝加上一個身受重傷的銀包回歸﹗﹗瘋狂洗錢既聖誕節就快到啦，MI就係一眾品牌聖誕套裝殺到之前先來了一個引火自焚，就等購物狂MI同大家分享下呢2個月既豐功偉績﹗ 3CE既粉絲最近睇怕都已經忙得不可開交，又要忙於秋冬既磚紅系列，而家又引頸以待Lily Maymac 既玫瑰金唇膏系列。MI就已經係10月用左生日折扣狂掃左一大袋番屋企﹗(天呀﹗好彩搶唔到新系列，否則苛包就真係......) 3CE FITTING CUSHION FOUNDATION #001 換購價$299連一個補充裝粉芯，價錢的確吸引。之前亦試過不少大品牌的Cushion，但效果卻連W.Lab都不如。對MI泥講，Cushion sell快同方便，coverage當然期望連遮瑕都唔洗用就出得門口。第一次出cushion既3CE冇令我失望，coverage夠連MI既豆印都可以遮到6,7成。的確可以只用佢加碎粉3分鐘內完成底妝，番工快靚正﹗高coverage得泥都唔會太厚粉係可以接受既程度，不過唔好處就係近排開始凍佢就出現左卡粉既情況，所以用佢保濕要注意，可能要打濕D個底。 3CE MATTE FIT FOUNDATION #001 最新推出既粉底液，sales姐姐話都係咁多款粉底液中coverage最高的。推過上面的確，而且唔算好厚(可以用到pump裝既粉底質地通常都會比夠水同唔會太厚身)，質地同Cushion有D似，遲D試用後再報告。 3CE SLIM FIT POWDER PACT #SOFT BEIGE 已經唔知用到第幾盒既粉餅﹗回購度係100%﹗﹗﹗質地好幼滑，可以有效cover到毛孔而且望落效果皮膚好好。coverage係粉餅泥講算係好好，出街補妝一流。更值一贊既係佢個卜，密度好高而且好柔軟，MI直頭想額外買可惜佢只係附送冇得就咁買。不過如果你係好追求自然淡妝感既偽素顏女生，佢就會幫你話左俾人聽你有用粉餅啦，碎粉啱你D~~ 3CE MAKE UP FIXER MIST 都係今年既新品，之前既定妝已經冇出了，改為呢一支。MI試既時候配合上面既粉底液用泥補妝，效果好自然貼面又matt，感覺不錯就買了。細細支同SLIM FIT POWDER PACT或者cushion一齊帶出街補妝夠唒方便。 3CE BABY SKIN PUFF Sales姐姐推介呢個仆，質地較beauty blender硬身實淨好多，MI用泥做blender效果都唔錯，而且唔會吸唒D粉，佢既平面可以好大area blend開product夠唒快，而尖頭blend眼底可以做到details位。唔好就係呢D仆質地MI唔建議洗，但用完兩星期唔要又太浪費。 3CE LIQUID LIP COLOR #LUZ 3CE LIQUID LIP COLOR #CHARMED MI最近愛唇膏既程度瘋狂都不足形容。係FB廣告入面見到model用呢隻唇膏點都唔甩就目標性買左2支番泥諗住大玩咬唇妝。啍﹗呃人既﹗飲水又甩，食野又甩，用到個咀做既野都一定甩﹗仲要好乾甩皮﹗不過隻色係matt既，又真係好靚，做出泥既咬唇妝sharp得泥一D都唔誇，但記得用前要用強力潤唇膏打底。 3CE LIP MARKER #PINK 如果你追求偽素顏，你不能不買佢﹗上到咀既顏色十分自然，仲好有紅粉菲菲既效果﹗不過唔知係咪MI呢支既個人問題，用左2次就好似冇哂咁冇色出，呢方面不禁失望....... 3CE UNDER EYE FLASH #LOVABLE 出色度可以，夠閃可以做到放大眼睛效果。而且持久度高，唔好既係質地硬身小心隊到眼。 3CE PINK KABUKI BRUSH 價錢好平$69，仲有個專用袋仔，MI試過毛質都好滑抓粉力不過不失。最啱帶出街用SLIM FIT POWDER PACT 補妝，咁就唔會厚粉又唔平均啦。 狂掃一輪，買滿唔記得幾多錢之後，送左lip treatment，迷你classic大紅色唇膏同tote bag，唇膏超可愛都好期待聖誕有機會用。今次分享3CE既product全部都係MI自己出錢買(身為死忠USH!)，絕無任何廣告成份。希望大家鐘意今次既分享，你地都留言話俾MI知最鐘意3CE既邊D product呀~ 預告下次會分享Pony Effect同Play 101 Stick既用後感~~ Source of photos : http://en.stylenanda.com/product/list_3ce.html?cate_no=138
