MIMI果日出門口極度趕﹗(雖然其實冇咩時候出門唔趕...)，不忘同大家分享最近很愛用既懶人底妝。新手/手殘人士一樣啱用~ 最近去日本旅行，MIMI就買左呢支修容棒。CEZANNE係日本一個都幾COMMON既開架品牌，佢既眉粉化妝老師果陣都好推介，耐何香港買唔到，去到日本見到即刻掃﹗﹗MIMI一見到呢支陰影膏又平又有小小似Clinique果支，就掃了﹗﹗40蚊左右炸﹗﹗﹗﹗﹗﹗﹗ CEZANNE Shading Stick - 600日元 好趕嫁我地出門口，事不宜遲﹗一開始先用Biore既防曬打底先。又一個好好用但香港買唔到既產品，有埋base既成份，一D都唔立，會有D 好似粉末狀既物質控油唔錯。 Biore UV Perfect Face Milk SPF50+PA+++ 之後就直接將陰影棒畫係面上需要打陰影既地方。個個人既面形都唔一樣，MIMI係十分圓面形，額頭比較短，所以只係係面既兩旁打陰影，令面形拉長。 時間關係，選用左最快既DIY foundation cushion，上一個post介紹過，MIMI呢排懶化妝係咁2遮下出街都會用佢。 好似平時上bb cushion咁，用卜按壓既方式上粉，到左有陰影膏既地方就用輕拍既方式將粉底同陰影膏混和，直到冇左條明顯既界。唔建議用掃打圈上粉，因為好容易會將陰影推開去其他地方，會變成污糟或者成塊面深色左，會比較難控制。所以，用卜都唔可以心急，唔好拖，要印。 如果覺得唔夠，可以係需要加深既地方再畫陰影棒再用卜印開，但小心唔好太貪心，唔係就好唔自然嫁啦。MIMI就覺得望落唔覺係最好，到我見到顏色果陣通常都可以去演舞台劇...... 可因應自己既需要落concealer，MIMI豆印好嚴重所以都係要遮下。選用左比較薄身既，盡量自然一D。 3CE Waterful Concealer #02 修容又點少得鼻影?! 亞洲人都係偏口偏面一D，所以打高個鼻唔少得。MIMI一向都係用MAC既眼影做鼻影，呢隻色襯埋佢個圓身鼻影掃出泥既效果最自然。偏身既鼻影掃線條比較硬同明顯，比較適合影相或者濃妝。用掃打橫係鼻兩邊直直咁掃，於眼頭水平位置落粉最深色(如圖)，鼻頭都要打鼻奕兩邊。 MAC #Omega Matte 可選擇性用碎粉定妝，視乎粉底質地本身。較清爽既其實可以唔用。想令底妝更貼面，可用spray噴上霧狀既玫瑰水，達致保濕既效果。 啍啍!又係由於時間關係，化埋好簡單既眼妝掃薄薄胭脂最百搭既唇膏。日常妝就完成啦，當然，可以好似MIMI咁用光影粉打亮T字位同黑眼圈位置就更sharp啦，仲可以遮埋黑眼圈tim……. 希望大家鍾意MIMI今次既分享，多謝你地睇到最後比我最好既支持。
