相信大家總會有買左唔合適或者賣完就咁放左係度唔點用既底妝產品。就咁浪費左又唔捨得,今次就同大家分享下自制既foundation cushion啦。 其實mimi一向都唔買市面上既bb cushion,一來佢地既coverage普遍都比較低(到我泥講係冇。。。),二來mimi係敏感又痘痘肌,一般韓仔既bb cushion質地比較油(又稱光澤感)都唔啱mimi(會變油雞。。。) 而且mimi都唔鍾意香味重既野塗上面(好嫌尖我知。。。) 首先,偉大既淘寶你會淘到bb cushion既吉盒,可選質地夠好既粉卜。記得先用酒精消毒。 跟住就可以選擇自己想加既精華同粉底。mimi覺得estee lauder double wear coverage真係好高,出泥效果都好matt,唯一唔好處就係厚身同比較乾。所以都好少單獨用,次次都要溝精華。所以今次就用左佢做膽哈哈! 先落適量既粉底液,唔建議一開始落太多,之後可慢慢加。 之後mimi選左隻比較水份重d既打底base,因為粉底本身比較厚,可先落粉底既三分一因為之後仲會落精華sss。 精華方便主要都選番保濕為主既透明質酸,由於mimi痘痘同敏感問題,都加左d蘆薈源液。份量唔好太多,畢竟加其他產品係會減低粉底本身既coverage。 最後加埋防曬就夠哂全面啦! 用綿花棒將全部野攪暈,小心慢慢攪盡量唔好攪出粉盒既內圈。 檢視一下份量同質地。份量大概係粉盒三份一滿,太多放海綿就會飛哂出泥。質地太稀既就可以加番d遮瑕膏提高番遮瑕度,mimi就落番多少少粉底液。 Tips!先用果支綿花棒塗左海綿既一邊先,塗多d等佢吸咁d粉。 反轉冇粉既向下輕輕放落去,用綿花棒輕手將邊邊給入粉盒。咁就兩邊都咁夠粉又唔會整污穢手啦。 給埋粉盒周邊條圓邊仔,完成! 私人訂制既粉底cushion,好方便帶出街,最緊要唔好曬哂d野呀麻。mimi就攞左佢去日本啦哈哈! 想再自然貼面d可以用平頭濕粉掃代替粉卜上(淘寶卜質地唔好的話) 掃直接按上海綿,平均又唔會每次攞粉攞太多。 希望大家鍾意mimi今次既分享。多謝你地睇我既blog,你地既支持就係懶人mi打咁多字既動力!!
