2013.03.17 由於工作關係 經常可以出到特優機票 但呢啲野總係有辣有唔辣 特優機票只可以係standby tickets 意思即係就算你一早就上網訂左 未去到當日check in counter closed之前一秒 你都不能夠坐定粒六肯定上到機 出發前一個星期已經開始上網check過幾間airlines去CDG既loading CX雖然係最方便又最便宜 但可以講係機會渺茫 有見及此 我選擇左當時電腦系統顯示尚餘較多空位既Air France 好可惜當晚去到check in counter地勤人員一句"唔洗諗啦"就打亂晒我既計劃 原因係太多air france本身既職員同我一樣出standby ticket啦 而當然佢地既priority比我高 咁我就上唔到機啦 嚇到滴汗既我保持冷靜 即刻嘗試坐CX但一樣FULL 我要等下一班機就要自己晌機場過夜.......灰到盡頭之際 見到CX去Frankfurt既機open for check in 唔理啦 上機啦!! 懷著大無畏既精神 我衝破晒check in, sercurity同immigration既關卡 等候登機吧時間把握最後幾分鐘上網搵埋frankfurt去paris既機票 跟手通知埋我兩位buddies 成功!! ( 由於兩位buddies比我早出發去左瑞士 我地約好左時間一齊到paris晌機場集合 )
