昨日同大家講完敏感肌既我既落妝同洗面產品, 今日講下爽膚水先~ 話說自從接觸左花水呢一樣產品之後, 我已經好耐無買出面市面既爽膚水, 因為佢實在太過好用, 同埋抵用呀!!! 質料方面佢完全係水狀的, 唔會有任何黏稠感, 原因佢係純天然產品, 無添加任何透明質酸呀, B5呀等等.. 先講下佢既出處, 花水係香薰治療界既其中一個產物. 相信大家都有聽過香薰精油架啦, 而花水就係精油萃取過程中同時產生既植物精華, 完全係大自然既禮物~ 佢玫瑰香味撲鼻, 一聞到心情就已經開心起黎, 具有保濕同明亮美白肌膚作用, 我會分裝一小部分入噴霧樽, 方面隨身攜帶, 隨時保濕同提升心情~ 呢個牌子既花水有3隻, 分別係大馬士革玫瑰, 千葉玫瑰同白玫瑰. 千葉玫瑰未用過, 白玫瑰氣味較淡, 而大馬士革玫瑰呢, 我個人覺得係最香最亮白最保濕的~~ 跟住講下我既用法啦~ 1) 當爽膚水, 倒落化妝棉再輕抹上面, 或者加入噴霧樽噴面都得. 但我中意用化妝棉, 因為萬一面上有任何殘餘污物, 都可以同時抹走, 作最後一重保障. 2) 當洗面水, 嘩, 好豪氣!!! 係呀, 因為佢唔算太貴既關係, 我買個時係HKD208/ 500ml, 有時敷完cream mask, 我會將佢倒落化妝棉以抹走個mask, 會特別亮白架!!! 不過當然唔係成日啦, 緊係有啲咩重要約會之前~~~ 呢個亦係佢完全水狀既好處, 因為萬一稠少少, 都會抹得唔乾淨, 容易殘留於面上架~ 3) 當Mask用, 用佢浸濕壓縮面膜紙, 我用緊shiseido, 卓悅有售. 敷上面, 就得架啦~ 不過因為純水狀好快比皮膚吸收同空氣蒸發, 要keep住一路敷一路為面膜紙加濕 (個人會用噴霧樽一路keep住噴濕), 敷5至10分鐘, 完成~~ 如果想保濕效果更出色, 我會先係面上加層蘆薈gel, 然後敷花水mask, 咁塊面就又白又滑啦~ 蘆薈gel我用GNC的, 屈臣氏有售~ 因為又唔係屋企既關係, 啲相都係上網搵比大家的, 唔好介意呀~~ 希望大家會中意呢個Post啦~~
