每當轉季，皮膚便格外敏感，一時熱下一時涼下一時乾下一時濕下，終於皮膚開始出現發紅＋少少刺痛痕癢，唔想睇醫生搽類固醇，唯有試下轉護膚品同埋特別加強保濕護理。好彩，情況無繼續惡化，皮膚仲好左呀！即刻分享下而家主要用緊既產品比大家～ 不過因為而家唔係屋企既關係，影唔到相，上網搵住圖比大家參考住先～ 首先係清潔STEP～ FANCL 一直都係信心既保證，主張無添加同不用防腐劑，所以第一時間就諗起佢啦。 係呢個敏感時期當然係化淡妝啦，所以用呢隻MCO 納米卸粧液落妝亦只需要落一次，就已經夠晒乾淨，就算係最難落既眼妝都無問題。乾手乾面時，用２泵份量，輕輕塗上面打圈按摩，令到化妝品浮起溶入油裡面，就可以過水乳化啦～不過一定要記住，唔好即刻就用水潑濕成塊面，要先整濕雙手，再係臉上打圈，見到啲油慢慢變白色水狀，咁先係正確既乳化過程呀！乳化一次唔夠架，重覆再整濕雙手在臉上打圈，直到再無白色水狀出現，咁先得架！ 之後再用埋FDR 保濕紓緩潔面液，佢係FANCL同皮膚科醫生一齊研究出黎既一條防敏呵護LINE～針對極乾燥敏感肌膚（包括痊癒後的濕疹肌膚），泡沫柔滑溫和，FANCL姐姐仲話佢有止癢既作用添呀！完全係我想要既野！！當然回家用完之後都無失望啦，用大約１元硬幣大小的分量放於手心，用起泡網加水搓起泡沫後潔面（唔用起泡網用手都得），然後用水清洗乾淨。用完即刻痕癢感減退，好有效果！！除此之外，洗完面皮膚唔會覺得繃緊，仲滑溜左，不過呢個效果唔使特別講，都知係意料之內啦。一句講晒，好用～ 希望呢個POST幫到敏感肌既您您您啦～～～
