第一次公開分享自己對護膚品嘅用後感~ 以下產品全部都係自購㗎，大部分係香港小店買，撐本地小店!! 分享我係2020上半年用過，覺得好用，推介俾大家~1. Kose 防曬噴霧夏天戶外活動比較多，防曬要做足呀！呢枝係 Donki 獨賣，高效防曬噴霧 SPF50+ PA++++，足夠防曬系數，而且用完唔「痴身」，感覺幾好呀！價錢︰HK$40-50 2. Dermacept C10 真皮營養液 純維他命C精華係香港應該比較多人識得呢個牌子，好多 KOLs 都有介紹，出名速效淡斑，去印。上年年頭朋友介紹，就買咗一枝試試。去斑似乎幾有效，但紅色暗瘡印似乎就唔係幾得。價錢︰HK$700/26ml (好似係係屈臣氏買的) 3. Primera Toner (Mircale Seed Essence 蓮花籽神仙水精華)Primera 係韓國牌子，標榜天然有機。幾個月前先買呢枝 Toner 睇下效果先。用完係好清爽，唔會笠，足夠保濕。最 Surprise 係濕敷係剛泛紅嘅皮膚後，有降紅效果！！ 見佢幾好用，買咗一枝俾朋友作小小嘅生日禮物 haha價錢︰HK$308 (再送一盒化妝棉) 4.Primera Cleansing Foam 洗面乳用完上面枝 Toner，冇中伏，就再買多 Primera 嘅洗面乳嚟試。有D檸檬味，好 Fresh，即使用係暗瘡上面，都冇敏感。之前用過某款 LaneXXX 嘅洗面奶，用完敏感 -_-價錢︰HK$165 5.Barr 積雪草精華露之前未聽過 Barr 呢個牌子，自己身邊朋友都唔識得。係今年年頭開始日日戴口罩，之後暗瘡問題嚴重，問小店店主有冇護膚品推介，佢就介紹咗另一隻韓國品牌，Barr 呢枝精華。質地清爽唔笠，有保濕功效，唔刺激。已經用咗半年，感覺有幫助改善到凹凸洞，好唔錯！價錢︰HK$218 6. Belif 👉 Belif 係香港有門市，應該多D人認識，有朋友都有用緊佢哋產品。最近入手下底兩枝同系列嘅洗面乳&爽膚水試試。用一排先，有機會再同大家 Share 用後感。左邊 Belif Problem Solution Clensing Foam價錢︰HK$168右邊 Belif Problem Solution Green Toner價錢︰HK$208 👉 以上第3-6 護膚品都係一間 Korean Beauty Secret 店鋪買㗎，佢哋主打賣韓國天然Skincare, Makeup 等等。7.兩款暗瘡貼相信大部分女仔都用過唔同牌子嘅暗瘡貼。我就用過 Dr. Wonder, Nexcare, FIRST DO, 曼秀雷敦呢幾款。今年就買咗下面兩款，左邊係 FIRST DO 韓國品牌嚟。就係俾店家 She Goes to Seoul 呢句「專門針對石頭瘡」燒著，買一盒試一試。用係輕微嘅石頭瘡係有效的。價錢︰HK$58 (一盒有10塊)而右邊係曼秀雷敦 樂膚潔抗菌痘痘貼(日夜高效型)52片裝。一盒有分日用&夜用，仲送一個小夾，好貼心！感覺呢款比 Dr. Wonder, Nexcare 較好用~價錢︰HK$60-70 (係屈臣氏買的)
