上星期六黃昏， 我哋搵到個 好玩 又 免費 嘅好地方! 而且仲好特別~ **山系野營 x 光林** 估唔到城市中都可以 去camping !! 喺草皮上設置咗6個唔同主題嘅帳幕 俾一家大細 偽camping 。 帳幕 裡面有唔同唔嘅玩意， 例如巨型層層疊、 彩繪石頭和 巨型象棋等等。 點擊圖片放大 +2 露營帳幕出面仲放置咗櫈仔、小枱同露營燈， 像真度十足。 影張相扮自己入咗camp都得。 中間仲有水泡陣， 同小朋友玩由一邊跑去另一邊已經好開心~ 點擊圖片放大 另外，仲有沙灘波免費隨意借用， 真係任玩唔嬲。 ~無須預約，先到先得~ 但每個家庭可玩30分鐘， 請自律。 **潮藝乒乓** 估唔到乒乓枱都可以咁靚~~ 由NFT藝術組織Art4Raise全力支持， 本地藝術家Mr. Japin 把乒乓球桌化為一幅幅至潮畫作，運動及藝術完美結合。 大家可一邊喺戶外打乒乓球，一邊如逛畫廊般欣賞繽紛作品，帶來全新體驗。 乒乓球柏同波都可以向在場職員借用， 行入去就玩得。 點擊圖片放大 +4 **「A Shoppin’ Baby」 民族系列 ｜ 56不倒B** 香港知名藝術家鄧卓越（Dorophy Tang) 全新創作「A Shoppin’ Baby」民族系列， 以經典嘅肥嘟嘟娃娃造型， 換上56套中國民族傳統服飾， 融合中華文化和西方潮流元素， 傳遞「團結就是力量」（Stronger Together）的訊息。 依56個民族娃娃同真人一樣高，而且仲係不倒的。 打卡一流 ~ 點擊圖片放大 +3 龍鳳寶寶最鐘意玩依果!!!!! 跑黎跑去， 喺不倒B下穿梭， 盡情 放電 ~~ **免費電影** 城市中的大螢幕播放唔同類型嘅電影， 大小朋友坐喺如雲上嘅櫈上觀賞， 真係好chill 。 點擊圖片放大 +2 無須預約，沒有劃位，自由參加。 請留意網站嘅播放時間表。 **免費攤位遊戲** 攤位遊戲包括踢足球、拋圏圏同拋波仔。 點擊圖片放大 +3 龍鳳寶寶非常之鐘意玩!!!! 一共玩咗8次， 蠃咗8支棒棒糖、 2個氣球同2張貼紙!! 簡直滿載而歸!!! **海市荒漠** 仙人掌叢林，感受荒漠風情。 點擊圖片放大 隔離仲有個「玩野樂園」， 設置噴水和吹氣玩意， 可讓小朋友盡情玩樂。 玩吓水， 為夏日降降溫~~~ 點擊圖片放大 龍鳳寶寶由下午六點玩到八點， 玩到唔捨得走~ 我哋一定會再嚟玩~~~ 免費娛樂， 仲有禮物， 實在太正喇!! ~中環夏誌 SummerFest ~日期: 16/7/2022 - 18/9/2022 ~時間: 下午4點至10點 ~地點: 中環海濱活動空間 Central Harbourfront Event Space (金鐘mtr Exit A出，上扶手電梯，行向海旁行約5分鐘。 入口喺面向海嘅左面) ~全部免費入場 (部份活動需事先報名) ~網站: https://www.summerfest-centralharbourfront.hk/ 中環夏誌 Central Harbourfront SummerFest 溫馨提示: 黃昏去，溫度無咁高， 亦最好自備風扇仔。 夜晚去，仲有海風， 燈亮了，別有一番風味。 場内亦有育嬰室和洗手間。 如果鐘意我嘅分享~請俾個like支持吓~ ~Facebook page: (主要分享教學育兒升學心得和好去處)不要錯過啊~ https://www.facebook.com/Miss.swanswan ~Instagram: https://www.instagram.com/little_twin_stars82 ~升小群組給成員互相交流資訊 https://www.facebook.com/groups/665337994486167 #hkblogger #hkmummyblogger #parentingblogger #龍鳳胎 #littletwinstars #雙胞胎 #龍鳳孖媽 #親子活動 #親子blogger #香港好去處 #中環夏誌 #中環夏誌2022 #summerfestival2022 #summerfestival #centralharbourfront #中環海濱
