就快到聖誕~我哋搵到個親子場，設有兒童遊樂場同小型圖書角。 唔至有得玩，仲有期間限定嘅聖誕大餐，充滿節日氣氛!! 聖誕限定套餐(價值$398 - 458/位):~意大利菜湯為大餐送上前奏，蔬菜味道清甜。 ~意式煙三文魚多士配蕃茄及芝士可口小食，小朋友都鐘意食。 ~香草扒春雞伴薯條配黑椒汁 / 安格斯肉眼扒半時令蔬菜配雜菌汁我哋揀咗安格斯肉眼扒半時令蔬菜配雜菌汁，牛扒煎得剛剛好，肉汁鎖緊，配上雜菌汁，減輕牛扒嘅肉膩感。 ~精選節日蛋糕當日係棵聖誕樹造型嘅綠茶蛋糕，睇得又食得，綠茶蛋糕甘甜，大小朋友都鐘意。 ~跟餐飲品 另外，仲有聖誕兒童餐(價值$198)，有意粉同DIY pizza選擇，小朋友食自己整嘅pizza實開心。點擊圖片放大 +2 聖誕兒童餐仲包埋DIY Cupcake 同DIY Cookie。特別在於今次加入聖誕元素有聖誕帽、頸巾、手套同聖誕靴等，滿滿儀式感~點擊圖片放大 +3 剩係依三個DIY都夠小朋友玩得開心。 以為玩完?仲未完呀~ 聖誕期間~仲有駐場聖誕老人同小朋友影相，仲送一張即影即有相片~ 最後仲有個許願聖誕球俾小朋友親自畫畫同寫上心願，掛喺許願架上。點擊圖片放大 以上餐飲價錢仲包括90分鐘內暢玩兒童遊樂場!!! 雖然遊樂場唔算大，但應有盡有，有幼兒玩具、滑梯、小型鞦韆、畫板同圖書角。點擊圖片放大 +3 喺小朋友樂在其中嘅時候，父母可以喺度安心用餐。 去到最後真係以為完咗? 仲有得扭波波攞糖呀，門口位仲有兒童玩具任玩，同埋填色紙攞~ 如果即時入會，仲送日式摺紙一包。 連我都不禁想講句: 「點解依家嘅細路咁幸褔?咁多嘢玩??」(好羡慕) 以上聖誕限定套餐只於24,25,26號供應，平時另設其他餐飲。 親子餐廳嘅部份座位仲提供bb床、消毒機、暖奶器、消毒液等，非常貼心，親子度高，而且服務非常好~~點擊圖片放大 +2 店舖 : Q Time Cafe🏢地址：鰂魚涌英皇道1001號12樓01室https://www.facebook.com/QTimeCafeHK https://s.openrice.com/QrbS0rnCB00 請讚好以下專頁:~Facebook page:https://www.facebook.com/Miss.swanswan~Instagram: (更多孖寶和孖媽的生活趣事)https://www.instagram.com/little_twin_stars82 唔好錯過以下文章啊 !!其他創作文章(包括80+個好去處):https://www.facebook.com/Miss.swanswan/posts/341412797292614 #親子blogger #親子日常 #hkblogger #好去處 #親子活動 #假日好去處 #聖誕好去處#週末好去處 #本地遊 #hkmummyblogger #親子博客 #parentingblogger #龍鳳胎 #littletwinstars #雙胞胎 #龍鳳孖媽#qtimecafe #qtimecafehk #親子餐廳 #鰂魚涌餐廳 #週末好去處 #餐廳推介 #親子烹飪班 #playgroup #親子娛樂 #café推介 #嬰幼兒用品 #嬰兒玩具 #bb食物 #bb餐廳 #幼兒餐廳 #diypizza #diycupcake #diychristmas #diycookies
