好夢幻好夢幻~以前每年都會去日本過聖誕，貪其燈飾好夢幻。 估唔到香港都有咁夢幻嘅場景，可以喺冇冰嘅冰屋裡看星，點擊圖片放大 +2 而且仲可以住喺樓下嘅七彩彩虹小屋，過一個不一樣嘅觀星假期。點擊圖片放大 +4 十間主題及攝影體驗七彩小屋可供選擇~（大部分附設有觀星露營帳）包括溫莎堡、愛丁堡、宇宙太空、希臘愛琴海、紐堡賽道、波希米亞、亞馬遜森林、阿菠蘿飛船、京都府、布吉府、泰國皇宮、歐式小木屋等等。點擊圖片放大 +7 當晚我哋最後揀咗亞馬遜森林主題房，有樹屋、有滑梯同車車床。點擊圖片放大 +3 每間房均有全新獨立洗手間、冷熱水沐浴裝置、冷氣設備、電熱水煲和沐浴露及洗頭水。某些房間備有雪櫃和微波爐，須去前自行查詢。沒有提供毛巾，請自備~~ 房間外有個小花園進行BBQ。費用已包自選燒烤食材套餐，無需額外租借燒烤爐。 孖寶第一次戶外燒嘢食，感到很新奇。 **戶外電動車 提供多款電動車俾小朋友揀，有小朋友Benz、綿羊仔同唔同造型嘅電動車。點擊圖片放大 +3 開放時間: 11:00-13:00, 14:00-19:00 最好一check in就去玩，小朋友瘋狂玩咗好多轉。 **2000尺室內遊樂場 有小型充氣彈床、波波池、煮飯仔區同適合幼兒嘅爬行區(有幼兒玩具)等。點擊圖片放大 +5 開放時間: 11:00-13:00, 14:00-16:00, 17:00-21:00 我哋玩完車車就走去室內場玩。 **手搖船 戶外手搖船有大船同小船俾唔同sizes嘅小朋友玩，喺池邊仲有小型彈床俾小朋友放電。 當日不見有時間限制，自助形式，家長要小心看顧小朋友。 **戶外飛機造型遊樂場點擊圖片放大 +3 唔同攀爬設施和滑梯，無限放電。 **戶外單車場小食亭對開有個大空地，提供唔同嘅單車同腳動車仔俾小朋友玩。 一個價錢可以任玩以上設施確係幾抵玩。 如果岩季節，仲有漁塘導賞體驗網魚及採摘有機溫室士多啤梨 。 後記:孖媽: 好靚好夢幻好浪漫~打卡 非常正~小朋友: 好多嘢玩，玩到唔想走~爸爸: 戶外地方較多蚊，建議一定要帶齊防蚊用品!!點擊圖片放大 +4 溫馨提示: 屋與屋之間嘅距離較近，過了晚上10時後，請將音量收細。亦建議帶備耳塞。 另外，如果瞓唔慣生埗床，可考慮訂日營。 地址：農樂營元朗牛潭尾路攸潭尾村（攸潭美村公所附近）https://www.facebook.com/ytmholidaycamp 交通： 方法1： 元朗大馬路「開心廣場」後面福康街小巴總話乘坐37專線小巴，到攸潭美村錢所（總站）落車步行3分鐘即到 方法2： 屯馬線元朗站G出口乘坐37專線小巴，到攸潭美村錢所（總站）落車步行3分鐘即到 我哋悄悄地搬返出市區一星期有多，搬前和搬後都好忙。 其實以上體驗已經係一個多月之前(11月頭)，已經一個月冇一家四口去玩啦。 不過我仲積埋好多唔得閒寫，有d係一年前去嘅，有時間再寫。 ~經常一拖二搭公車嘅前教師媽媽，共勉之~~寫了太多，未能全部upload上blogs，首頁目錄也未update得切。想跟貼我哋嘅介紹嗎? 想搶先睇到我哋嘅相和文章，請讚好以下專頁:~Facebook page:https://www.facebook.com/Miss.swanswan~Instagram: (更多孖寶和孖媽的生活趣事)https://www.instagram.com/little_twin_stars82 唔好錯過以下文章啊 !!其他創作文章(包括80+個好去處):https://www.facebook.com/Miss.swanswan/posts/341412797292614 #親子blogger #親子日常 #hkblogger #好去處 #親子活動 #假日好去處 #秋天好去處 #星空 #打卡#拍照 #拍照景點 #拍照打卡 #觀星好去處 #星空打卡 #週末好去處 #本地遊 #hkmummyblogger #親子博客 #parentingblogger #龍鳳胎 #littletwinstars #雙胞胎 #龍鳳孖媽
