估唔到喺香港都可以摘到 香印提子 !!香印提子 來自日本爽脆外皮，果肉大粒、柔軟多汁~ 朗屏士多啤梨葡萄園打理得很企理，井井有條。點擊圖片放大 小朋友如果想幫手摘(剪)提子，只要企上葡萄樹下嘅小山坡上就可以摘(剪)到。 ~每磅香印提子售150元。~農場有提供位置俾遊人洗提子和坐底食。農場仲有其他提子摘(剪)，如晚夏和巨峰，但我哋當日去時，農夫話冇得摘(剪)。最後我哋摘咗一磅多嘅香印提子(230元)回家整雪條。(其實剪咗一紮已經係一磅多，所以只係摘(剪)咗一次) 不過係葡萄園影相 打卡 又真係幾靚~~*******************************************************************************摘完提子，我哋去隔離摘(剪)白色苦瓜。由於生得較高，要大人先摘(剪)到，小朋友睇住先。 ~每斤售20元。~我哋摘(剪)兩條，剛好20元。回家煮咗苦瓜炒蛋，好味啊。*******************************************************************************喺龍眼樹下，有一個釣魚池。 ~30元玩10分鐘~點擊圖片放大 +3 小朋友利用釣魚工具任釣魚玩具。玩完仲有水果填色紙送。(廷伸學習) 另設手工藝工作坊，大約80元整一件手工，我哋冇參加。*******************************************************************************一大片草地任跑，亦見到有小朋友係度玩吹泡泡。 旁邊仲有水稻 ，打卡幻想自己喺 北海道 。 *******************************************************************************餵羊羊~~10元一札飼料~點擊圖片放大 仲有小狗同豬豬睇~ **********************************************************************************後記:~農場算幾大，摘農作物時，側邊都有樹蔭，所以唔太辛苦。~農場亦有提供有遮蔭嘅座位俾遊客坐底食水果或香草炭燒雞(150元1隻)。~餵羊和玩釣魚嘅部份地方有遮蔭。~如果要摘農作物，請先到收銀處問職員拿用具。但有時人多員工少，未必咁快拿到用具。~農田外嘅農夫只懂講普通話，有問題可能要問返收銀處嘅員工。~農場內只得一隻羊，由朝俾人餵到晚，所以未必肯進食飼料，而且也可能吃太飽。如果晏咗入到去，建議去睇吓羊好了~~農作物逐磅收費，不要忘我瘋狂採摘~請做足防曬和防蚊功夫。***朗屏士多啤梨葡萄園***地點：元朗大棠路大棠村電話：9251 8926開放時間：星期一至日 08:00－18:00收費： 免費入場，摘水果需逐磅收費，巨峰$90/磅、香印$150/磅 前往方法:西鐵朗屏站B2出口出，轉乘K66接駁巴士到大棠山迴旋處巴士站落，行入大棠村牌坊，喺籃球場右側行，步行約2-3分鐘。 Facebook：朗屏士多啤梨葡萄園https://www.facebook.com/%E6%9C%97%E5%B1%8F%E5%A3%AB%E5%A4%9A%E5%95%A4%E6%A2%A8%E8%91%A1%E8%90%84%E5%9C%92-1967310006846964***建議去前查詢，以免失望而回***當日(25/7)去，唔多人，但每日情況不同!!***不用預約，所以不清楚佢哋有冇人流管制~(歡迎友善地匯報最新情況和更正資料,謝謝)#自費活動 #非廣告 #真心分享我會繼續為大家發掘和介紹更多好去處真心分享~請支持吓，俾個讚~歡迎追蹤專頁和ig更快得到最近資訊，謝謝~~~~Facebook page:https://www.facebook.com/Miss.swanswan~Instagram: (更多孖寶和孖媽的生活趣事)https://www.instagram.com/little_twin_stars82唔好錯過以下文章啊 !!其他創作文章(包括近60個好去處):https://www.facebook.com/Miss.swanswan/posts/341412797292614暑期活動推介:14天免費試用 ~獨家七折優惠 ~每月35元網上數學學習平台 ~英文數學 ~升小或升學移民甚有幫助NET FUN LIMITED 網樂教育科技有限公司 旗下嘅Mathletics「數思樂」家用版:https://fb.watch/74vjLgFOgq/#暑假 #好去處 #親子活動 #假日好去處 #夏日好去處#週末好去處 #親子 #放電 #本地遊 #親子活動 #hkmummyblogger #親子博客 #媽媽日記#parentingblogger #親子日常 #HKMAMA #hkkids #kidslife#育兒日記 #育兒日常 #香港媽媽 #龍鳳胎 #littletwinstars #雙胞胎 #龍鳳孖媽 #夏日活動
