#親子好去處 #世外桃源 #攀山涉水 #海邊走走 #東南亞沙灘 #白色小橋 #天空之鏡上星期日，我哋去咗有 #香港後花園 之稱 嘅 #西貢 。要入西貢其實對我哋來說都有點遠。本來預計玩半日，點知玩咗大半日。我哋先去 #白沙灣 的 #海邊cafe 吃午餐。海邊café-Padstow Restaurant and Bar西貢白沙灣112號112 Pak Sha Wan, Sai Kung電話號碼23355515 Cafe給人的感覺好chill ，屬於海洋系，湖水藍的顏色，用餐時又能飽覽海景，真係十分寫意悠閒。餐廳主要提供西餐，如All day breakfast, egg benedict ,hamburger and steak 等等。點擊圖片放大 +2 Cafe樓高三層，最頂層是天台，景色開揚，但中午時間較曬。 由於我哋冇訂位，所以本來只能安排天台位，幸好後來可以坐第二層室內位置。雖然未能坐窗邊，但梳化位也坐得幾舒服。 吃飽飽之後，我哋到隔離嘅 #觀音廟 看看，充滿特色，又可以介紹給小朋友認識香港的宗教文化。 跟著到海邊走走，看看遊艇。 不禁讚嘆，西貢真的很美很美。之後開始 #行山 ，攀山涉水到世外桃源~ #白水碗(其實沒有涉水，主要係行落山)。路主要是石路和石梯，不算太難行。 途中經過大 #瀑布 ，雖然只能遠觀，但仍能聽到潺潺流水聲~ 仲巧遇野豬，好大隻啊 行了約20-25分鐘，經過 #小木橋，終於到達世外桃源。 嘩~真係好靚好靚好靚~碧海藍天、海天一色、水清沙幼(入面的沙較幼,海邊有些石頭)，雖然同 #馬爾代夫 有一段距離，但配以周邊的植物，很有 #熱帶風情 的感覺。 點擊圖片放大 +2 小朋友在海邊堆堆沙，仲玩埋扮演 #挖土機 ，進行真正的 #messyplay 。 點擊圖片放大 在 心形石 、 大木頭 、白色小橋 和 小木屋 前 #打卡 ，仲有天空之鏡，好似又去咗一場旅行 。你又覺得似去咗邊個國家呢? #台灣 ? #東南亞 ? 點擊圖片放大 +8 最後我哋行返上山。此段路最辛苦，因為小朋友已開始眼瞓，又玩到累，仲要行上山，大約行了25分鐘左右。 好彩平時訓練有素，最後也順利完成。跟著我哋去咗母校 #香港科技大學 行行。(訪客須經由科大學生或教職員通過在線註冊系統預先註冊，方可以進入校園。) 原來 #科大 現時交通點分為南閘和北閘，以前交通點主要集中係北閘。已經20年了，真係變了很多呢~點擊圖片放大 +2 #天一泉 ，十多年前已經幻想帶自己小朋友回來看，估不到十多年後真係帶咗小朋友來。 始終覺得依度真係好靚呀。 最後搭返小巴出去彩虹再轉車返屋企，完成了一日美好的行程。 後記 1) 要入西貢車程最快嘅方法應該係喺彩虹搭小巴1S號或1A號，但經常大排長龍。如果帶住小朋友，可能搭巴士92號會較好。而且可以係鑽石山總站上車，就有位坐。雖然車程長咗，但小朋友係巴士上等好過排住隊等嘛~2) 此山路落唔太難，係回程辛苦些，較適合體能較好的小朋友或年長少少的小朋友。3)行山最好穿短袖衫加外套，因太熱會行得好辛苦。4)同小朋友行山一定要帶定些零食，當小朋友累時，可以用作鼓勵小朋友完成山路。當然家長或途人的言語鼓勵更為重要，零食只用作最後招數。 世外桃源的景點在西貢白水碗如果由白沙灣行去白水碗是可以的，但路程十分之遙遠。可以由白沙灣向匡湖居遊艇會方向行，經南圍行入去。但我哋都未試過咁行。 我哋係餐廰對面馬路的巴士站等792M(往將軍澳方向) ，係香港科技大學站下車。如果直接入科大行山，可以在彩虹搭小巴1s。(但好多人排隊)或者可以在鑽石山站或彩虹站乘91M巴士。行山開始位置係香港科技大學北閘最前面的小巴站左手邊有個綠色閘入口，跟著指示牌(前往清新地) 。只有一條路下山，沿路經過瀑布，一直都有指示牌指示前往清新地，跟住行就到白水碗沙灘。不過要行20-25分鐘左右(帶著小朋友的時間)，不斷落樓梯或落斜，要看看小朋友能否應付。上山更辛苦，量力而為，注意安全。白水碗沙灘在清新地農場前面，面向海的左邊是白橋和木屋的天空之鏡，很美的~農場須要預約才能內進。最後可以選擇沿路折返到科大的巴士和小巴站乘車離開。但北閘的車都是前往西貢或將軍澳方向的，如要前往彩虹，則要到南閘(但好似只能通過科大才能到達) 。或者到大埔仔坳或鄭植之中學附近乘車，但須留意行車方向。 如要泊車，可能要在大學附近的咪表停車位泊車(本身沒駕車,所以也不太清楚) 。另外，有船由白沙灣駛到沙灘，但船隻屬於清新地的農場，須向農場預約和付款(相信要入農場玩才會安排船隻，一般只去沙灘，應該不會安排，建議可向農場查詢)。 如果鐘意我嘅分享，請俾個 #like 支持吓，感謝您啊~ 歡迎讚好專頁得到更多免費資訊 更快緊貼我們的最近動態 ~Facebook page:https://www.facebook.com/Miss.swanswan~Instagram: (更多孖寶和孖媽的生活趣事)https://www.instagram.com/little_twin_stars82 其他新年打卡特選 ~[親子好去處]穿越時空的小格格和小阿哥https://www.facebook.com/Miss.swanswan/posts/443909437042949[親子好去處]賀年服打卡首選~新年氣氛滿庭園(過往3年的賀年照)https://www.facebook.com/Miss.swanswan/posts/439962530770973[親子好去處]點至山頂咁簡單~多個免費玩法~新春優惠https://www.facebook.com/Miss.swanswan/posts/448303129936913[新子好去處]牛年去牛公園~應節呀~https://www.facebook.com/Miss.swanswan/posts/4492084698463790其他創作文章(包括30+個好去處):https://www.facebook.com/Miss.swanswan/posts/341412797292614#親子活動 #假日好去處 #kidslife, #hkmomlife, #hkblogger, #hkmum, #香港遊 #本港遊 #我愛香港
