#帶著孖寶行真行山 #bb行山 #自選路線 #打卡跑車 #小竹林#紫花叢 #靚水塘 #睇馬騮 #10分鐘返回城市 #幸褔摩天輪[親子去行山] 第一次挑戰成功! #海拔160米 之前講過，其實一直好想帶孖寶去行真山，始終佢哋年紀仲小，二帶二有一定難度!!今次膽粗粗，搵咗個 #九龍區 行吓先，起碼唔使搭好耐車入到去再行，而且10分鐘唔使返入城市，沿路仲有好多 #廁所 和 #涼亭 ，唔怕要搵廁所和無位坐吓休息吓~ 沿路撞到好多老婆婆和老伯伯向反方向走，他們都會為小朋友打氣，叫小朋友加油呀~佢地話婆婆同伯伯咁老都行到，小朋友唔好輸俾婆婆和伯伯呀~好窩心!除咗體驗到 #大自然的美 ，亦體會到 #香港情 ! 我哋先上大石級，就開始行石路，所以都幾好行。 之後見到紅色小跑車提示水塘路徑，超可愛啊! 跟住繼續行上斜石路，係第二個亭，孖B都行咗一段時間，所以坐底食吓餅餅，同埋係隔離個公廁去埋廁所就繼續出發!點擊圖片放大 +2 公廁隔離有個好細小嘅遊樂場(被封)，真係估唔到山裡都有遊樂場。 再繼續行就見到小竹林和紫花叢。 接住見到 #石梨食水配水庫，開始上有少許泥的石梯，側邊都是樹木 ，有深入森林探險嘅感覺。 之後又會見到涼亭，就會下山，落大石梯。接下來的都是平坦的路，沿路見到有咩住bb或推住bb車的一家大細，有老有嫩。再往前走就見到 #九龍副水塘 ~當日天氣真係好好，天空有輻狀雲，在水塘嘅襯托下更加美!點擊圖片放大 +2 其實我都仲有一個目的，就係睇馬騮呀~沿路都唔見，聽途人講，馬騮已移居隔離山。 我哋已經行咗1.5小時，所以決定往前走到對面山 #金山 看完馬騮就走人。對面山真係超多馬騮。馬騮肚餓，想搶途人嘅食物，注意同行小朋友嘅安全。我哋大約郊遊了2小時，最後搭巴士去荔枝角食午餐。(唔使10分鐘到達深水埗，大約20分鐘便到達荔枝角) #荔園 係好多人嘅童年回憶，間餐廳以荔園為主題。餐廰的佈置也以荔園機動遊戲設施為主軸，有過山車、小船和旋轉杯的座位。仲有隻真木馬，歷史悠久。點擊圖片放大 +2 餐廰以售賣中式食物為主，有炒飯、炒麵和點心等。開咗咁耐都試過，今次有機會試吓。其中 #摩天輪 點心拼盤最吸引，有可愛卡通造型嘅點心，小朋友一定鐘意。 女人 見到afternoon tea 架會心心眼~小朋友見到摩天輪架也會心心眼~食完仲可以轉吓個架。好運幸褔自然來!摩天輪影片:https://youtu.be/voUpEVkkouY 最後，餐廰會送客人一枚 #金幣 夾公仔啊!真係大滿足~點擊圖片放大 後記 沿路有3個廁所和4個涼亭，唔怕無地返去廁所和休息。 路線可自選，行多d或行少d、睇多d水塘和睇唔睇馬騮都可以自己話事。 如果推住bb車，建議由大埔道出發，行至石梨食水配水庫後折返。或者咩住bb的繼續向前走，因樓梯路主要都是下山路。 小朋友今次算叻叻，未夠4歲，自己走足全程，登上海拔160米之高 。(其實沿路家長和途人的鼓勵也很重要，多點正面讚賞，小朋友就能做到) 交通方便，容易到達 🏃♂️🏃♀️起點:青山公路葵涌段(鍾山臺對面)🌟前往方法🌟: 1)美孚港鐵站B出口出，向出口反方向走向播道神學院，轉左(不用過馬路) ，見到油站，繼續直行至荔枝角公共圖書館前過對面馬路繼續直行。左邊是盈暉臺和華荔邨，右邊是石山。再往前走便會見到鍾山臺入口。從鍾山臺出入口向上走到另一鍾山臺出入口，過對面馬路便是山徑入口。 2)乘搭97A小巴到鍾山臺站落車。(港鐵荔枝角站有得上車)http://www.16seats.net/chi/gmb/gn_97a.html 3) 乘巴士31B,36B,36X,38,38P,936號到鍾山臺站落車。視乎小朋友能力，如果擔心小朋友體力不足，建議直接選用2或3 的方法，直接到達起點出發。 一路沿著長源路行，走到大埔道。第一個涼亭=>打卡跑車(指示水塘位置)=>九華徑食水抽水站=>長坑村避雨亭(第二個涼亭)=>長坑村遊樂場和長源路公廁=>小竹林=>紫花叢=>石梨食水配水庫=>第三個涼亭=>九龍副水塘=>公廁=>大埔道(公廁及飲品機)=>金山點擊圖片放大 👫終點:大埔道可乘72或81號巴士。當天我們乘坐72號巴士到總站長沙灣廣場。下車後，向巴士的車尾方向走到馬路旁，向右轉直行(不過左邊馬路，因為那裡是D2 Place一期) ，過前方的馬路去D2 Place 二期。荔園餐廳:荔枝角長順街15號D2 Place 二期2樓211-216鋪 如果鐘意我嘅分享，請俾個 #like 支持吓，感謝您啊~ 歡迎俾個like專頁支持吓和得到更多免費資訊,謝謝您 我是前教師和各大親子網站的駐站博客，好歡迎您 like and follow了解更多育兒教育資訊、親子食譜和好去處等 ~Facebook page:https://www.facebook.com/Miss.swanswan~Instagram: (更多孖寶和孖媽的生活趣事)https://www.instagram.com/little_twin_stars82 親子好去處 1)[親子去HighTea] 千禧新世界酒店https://www.facebook.com/Miss.swanswan/posts/3397108707961402)[親子好去處]紅磡海濱花園https://www.facebook.com/Miss.swanswan/posts/3333983880940553)[親子好去處]西九龍文化區https://www.facebook.com/103297544437475/posts/264132571687304/4)[親子好去處]黃金海岸https://www.facebook.com/103297544437475/posts/275420670558494/5) [親子好去處]太平山頂https://www.facebook.com/103297544437475/posts/281344083299486/6)[親子好電影]多啦A夢：大雄之新恐龍 https://www.facebook.com/Miss.swanswan/posts/3481954599476817)[親子去high tea] 1881維多利亞式古蹟https://www.facebook.com/Miss.swanswan/posts/3546346959704248)[親子好去處]Elsa 藍白色小屋https://www.facebook.com/Miss.swanswan/posts/3615057452833199)[親子好去處]鬧市中的荷花池https://www.facebook.com/Miss.swanswan/posts/36323181844404510)[親子去high tea]Hotel Iconhttps://www.facebook.com/Miss.swanswan/posts/37044474772275211)[親子好去處]巨型打卡牆https://www.facebook.com/Miss.swanswan/posts/37087679767954712)[親子好去處]空中花園的天空之鏡https://www.facebook.com/Miss.swanswan/posts/37383646071691413)萬聖節Treat or Trick @南豐紗廠https://www.facebook.com/Miss.swanswan/posts/37552591054796914)[親子好去處］一次過滿足8個願望https://www.facebook.com/Miss.swanswan/posts/38859413257448015)木系日式貓咪cafehttps://www.facebook.com/Miss.swanswan/posts/38686814608041216)英倫風市集~寄給孩子的情書~https://www.facebook.com/Miss.swanswan/posts/39921513817904617) 公園裡都行到山???睇紅葉湖泊~靚景盡在眼簾~仲有戶外遊樂場https://www.facebook.com/Miss.swanswan/posts/41443529665703018)[親子去食lunch] Hotel Icon 聖誕版https://www.facebook.com/Miss.swanswan/posts/41608658315856819)[親子好去處]園林紅葉~絶美之景~https://www.facebook.com/Miss.swanswan/posts/41920272284695420)[親子好去處]偽日本之旅 日或燈籠 紫藤花https://www.facebook.com/Miss.swanswan/posts/42104120266310621)[親子去high tea]香港JW萬豪酒店https://www.facebook.com/Miss.swanswan/posts/424073199026573#親子活動 #親子好去處 #行山 #行山好去處 #初級行山#hkkidslife, #hkmomlife
