東京近郊遊 座間市向日葵花田 有留意開Sakura Station動向的就知道版主是個花痴,黎到日本最多的戶外活動就是賞花,花開到邊就跑到邊(當然係能力範圍內啦^^") 在日本不只係春天賞櫻,秋天賞紅葉,只要揸緊時機,趁著不同地方及不同品種滿開花期賞花,一年四季都係賞花季。其實唔使走到北海道先睇到花海,東京近郊也有好多好地方 6月初夏 鎌倉賞紫陽花(繡球花); 7-8月 上野、橫濱三溪園賞蓮花; 7-8月 神奈縣座間市賞向日葵 今次帶大家去座間的"ひまわり祭り" (向日葵祭),除左有花睇,仲有日本地道小食檔,食下睇下,睇下又食下 :lol: 當10萬朵太陽花向住同一個方向時,而你就係面對住這個方向,係何其的震撼! 栗原会場實況: 點擊圖片放大 當小蜜蜂遇上向日葵=) 座間会場官方照片:45萬棵太陽花 ~2016年座間市ひまわりまつり開催期間~ ・栗原会場 約10萬棵向日葵 2016年7月21日(木)~7月26日(火) ・座間会場 約45萬棵向日葵2016年8月11日(木)~8月16日(火) 栗原会場向日葵祭剛結束,唔緊要,座間会場有45萬棵向日葵等緊你啊! 交通資訊: 栗原会場 地址:座間市栗原2487 小田急小田原線 「相武台前駅」--> 轉乘巴士 往南林間駅方向(ひばりが丘経由)「座間総合高校前」下車すぐ 座間会場 地址:座間市座間2丁目1230 JR相模線 「相武台下駅」,徒歩15分 資料參考: http://www.zama-kankou.jp/event/20160701.html ------------------------------- 版主在日本生活差不多兩年,帶大家走進更地道的日本之旅,捐窿捐罅搵更多好玩好食好睇的同大家分享!不時更新,密切留意啊! ————————- Facebook: https://www.facebook.com/sakurastation.jp/ Instagram: sakura_station Online Store: http://www.sakurastation-jp.com/ ————————-