由於黎到澳洲頭一星期仲要等稅號 嘗試過搵養珍珠場工, 但老闆要求稅號 雖然有人話劇有d老闆唔會要求馬上提交稅號 但我諗都係乖乖等一個星期,就當適應一下新生活吧 有一日無聊打算出去隨便走走 離開hostel前撞到一個朋友,問我有無興趣下個禮拜到broome cup賽馬投注站打工 Semi-final和final 共兩日 佢朋友係manager 搵緊人,25AUS per hr 有得免費入場仲咁好pay 我當然即刻就應承左 番工之前同manager大致了解過工作內容 係負責於賽後寫低邊隻馬跑贏同賠率,然後癡上notice board 有時間既話就留意一下投注紙用曬未,無就refill 媽咪 呢份可能係我成世女聽過性價比最高既工作! 所以話出外靠朋友,我明白了! 上班當日朝早manager載左我去馬場 老實講第一眼有少少失望 仲以為賽馬點都算係高級活動 地方應該寬敞一d同埋可能有室內貴賓室之類 但原來一眼已經睇曬成個幾乎全室外場地 Haha原來諗多左啦~ 畢竟broome只係個小城市嘛 被老細重新再brief一次,同詢問final之後既朝早有無時間番黎執首尾 題外話,老細係英國伯伯 我總係覺得有少少歧視亞洲人 講唔夠五句就問我,有無認識隨便sleep with different guys既backpacker/你會同佢地玩嗎之類 算喇,三日後老死不相往來! 我忍你. 下一個環節就係:等開工 無錯, 係有人工收架! 因為比賽中午先開場,所以能夠做既都只係坐向到等結果 上天對我太好了吧! 人潮陸陸續續黎到 點擊圖片放大 澳洲人既盛裝打扮真係令我大開眼界 仲以為誇張既頭飾已經不合時宜 大家都好靚呀, 睇睇下自己都想要番套 其實我今日都打扮過架 睇下我件衫~~ 各式各樣既投注紙 其實最後浪費左好多,希望佢地係拎去回收啦 賽馬 就係咁樣三日就過左去 我嘅holiday有working喇! Facebook page: https://www.facebook.com/sailortravel