黎到倫敦兩個月，做得最多就是行supermarket，英國supermarket 有很多很多種，走高價靚品質的waitrose、Marks & Spencer，中價周圍都有的Sainsbury's 、Tesco、The Co-operative Food，平價大大間的Asda、 Morrisons，賤價抵到笑的Iceland、Poundland、99p store…… Waitrose Waitrose 是皇室供應商，英國人都好喜歡Waitrose，更說如果那區有Waitrose，那一區便是好區。印象中好似有見city'supper在賣Waitrose牌。老實講，Waitrose自家品牌的quality真係得。自己最鐘意買waitrose牌 "波仔飯" ，￡6／3盒，有好多選擇，Pasta，甜品甚至港式咖喱雞飯都有，而且￡2 一餐，其實好平。 Waitrose自家品牌還有一個好處，如果買回家之後發現品質唔對路唔岩你口味，可以拎返去refund。有時Waitrose會賣一些超級特價產品，甚至比其他廉價超市更平。 http://www.waitrose.com Marks & Spencer 英國老牌百貨公司，跟香港一樣，賣衫賣家品賣零食熟食，英國的還有賣新鮮肉食。香港人經常買M＆S自家制餅乾、朱古力等等零食，這邊的M＆S零食，可以話比香港平一大截！經常有two for one 賣兩盒等於一盒的offer！ 另外賣鮮肉的話，強烈推介M＆S！肉質新鮮，價錢公道而且大大盒！基本上所有魚、雞、豬、牛肉都可以mix and match 買，全部￡10／3盒。 http://www.marksandspencer.com Morrisons 英國四大超市之一，以性價比計，Morrisons都算不錯，Morrisons 有促銷櫃，通常擺菜或生果，價錢都係￡1以下，每天關門前有很多人去搶快過期或要下架的平貨，想體驗搶平貨，可以關門前30分鐘才進去。如果不喜歡飲英國自來水，Morrisons水，不論是有氣無氣，2 Lite只售18p。 http://www.morrisons.co.uk Tesco 英國最大超市，基本上每一區至少有一間Tesco Express。Tesco有四種不同規模的店，最大型的Tesco Extra，有點似台灣家樂福，店內有店，衫褲鞋襪衣食住行全齊，只出現郊區或比較遠的地方。Tesco Superstore 比正常size 的大，買的份量也比較大。最常見就是 Tesco Metro、Tesco Express。Express 大部份是營業至凌晨。 http://www.tesco.com Sainsbury's 英國四大超市之一，亦是英國最老牌超市，1869年開業至今。跟Tesco一樣，也有不同規模的店。分別為Superstore、Central 和 Local。感覺跟Tesco好似，但比Tesco貴''小小''但相對質量也好''小小'' http://www.sainsburys.co.uk Iceland 如名字一樣，主要賣雪藏食品。薯條、炸雞、炸魚條、急凍海鮮、pizza、雪糕、甜品……除此之外，自家品牌的醬類汽水類廚具用品等等（總之食雪藏野聯想到會用到食到）的價格也非常平！ 其實其他食品價錢都好抵，但問心，quality就…… http://www.iceland.co.uk The Co-operative food The Co-operative 集團乜都撈，銀行、律師行、旅遊、藥房，連儐儀都有……雖然market share不太，但仍然為英國第五大超市。 很多時見到油站入邊賣野的鋪仔，都是 The Co-operative Food。跟其他supermarket不同，所有The Co-operative Food 都是小鋪，行的路線也是很local。 http://www.co-operativefood.co.uk ASDA Walmart旗下的英國超市，全倫敦只有8間，全部都在比較遠或郊區地方。跟美國Walmart一樣，大型特買場，但價錢比較便宜，而且ASDA還有自家服装品牌''George''，價錢比Primark較貴。 http://www.asda.com LiDL, ALDI 兩間都是德國廉價超市，會賣很多其他歐洲地方牌子的食物。 http://www.lidl.co.uk http://www.aldi.co.uk Poundland, 99p stores 就像香港jusco ''10蚊店''一樣，大部份貨品都定價￡1/ 99p。新鮮野欠奉，但買零食罐頭一流！記得在Poundland買過 1pack 3包 繽紛樂，1pack 3包麥提莎，mega size 薯片等等，簡直是零食天堂！！但小心未必每件貨都是最平，因為定價一樣，有時有些在其他supermarket買到少於￡1（見過特價只賣30p 的薯片），''10蚊店'' 都是企硬！ http://www.poundland.co.uk http://www.99pstoresltd.com Whole Foods Market 美國高級健康超市。英國分店不多，但全部都在後生仔聚腳地或有錢人地方，也有賣很多有機食物。 http://www.wholefoodsmarket.com Planet Organic 只賣有機食物。所有野貴到飛起！見朋友買過兩塊仔雞肉，盛惠￡11！還好每次Planet Organic promote 新牌子或新貨，都會做買一送一的優惠，窮人唯一會買野的機會。除了超市外，還有coffee shop。 http://www.planetorganic.com 溫馨提示： ・基本上每一家supermarket 都有出會員咭，大部份都是免費儲分制，不怕麻煩的話記住申請喇：） ・有些網頁甚至apps可以將幾間supermarket 做比較，係屋企都可以隨時格價！http://www.mysupermarket.co.uk
