今年生日製造左個拍拖機會同老公北上試吓呢間「實時TOKI」，進店既時候店員主動協助寄存外套/行李箱，拉椅入座提供茶水等等～全程管家式服務👍環境好有心思！高級黑金裝修風格，氛圍感滿滿，安靜舒適而且佢地注重每一道菜既新鮮度同口感！每日新鮮到店，仲會即場烹飪🍳-今次專登試咗佢哋嘅「1199元單人套餐」，由頭到尾足足十道菜，真係食到捧住個肚走！話明主打「新鮮」，每道菜上枱都好似睇緊表演咁，勁有驚喜～ 😍 🍹山楂汁冷飲採用新鮮山楂萃取而成，一開波就醒神！山楂汁酸甜冰涼，飲落消暑開胃，即刻吊起食慾！ 🐟鰲蝦·季節魚生嚴選時令季節魚生，擺盤靚到唔捨得食！鰲蝦肉爽甜到爆，魚生切到透光🍲海鮮茶碗蒸蒸蛋滑到「嘟嘟」聲，面頭點綴甜豆同三色槿花瓣，一啖入口木魚花既高湯，鮮味之選～ 🦞活龍蝦重頭戲！東南亞既青龍，即劏即煮，用龍蝦自身嘅蝦膏黎做調味，肉質彈牙到識跳舞！再搭配埋柑橘醬，酸甜開胃，食完想encore！ 🔥黑金鮑採用新西蘭嘅黑金鮑魚，鮑魚厚切但咬落軟嫩🎍綠竹筍估唔到竹筍都可以咁精緻！爽脆無渣，粉色嘅係秋月梨，仲可以搭配沙律醬食，味道一流 🦀雪蟹料理採用俄羅斯松葉蟹，可以先食紫蘇花蟹肉塔，再食明太子醬焗蟹腿，最後先食蟹鉗，蟹鉗上面係蟹膏醬 🍣海鮮料理北極貝同青花魚搭配，再加上柚子醋，味道清新鮮甜🥩雪花和牛雪花和牛靚到癲！煎到外脆內嫩，一咬肉汁爆發，配埋山葵醬解膩，完美！ 🍚和牛炊飯以為飽到食唔落？錯！和牛粒+牡丹江嘅響水香米加菠菜汁，飯香撲鼻，食到一粒米都唔剩～ 🍮節日限定甜品自選2-3種食用鮮花，再倒入乾冰攪捽鋪上抹茶雪糕，口感輕盈帶淡淡花香，打卡呃like無難度！ $1199食到咁高質嘅omakase體驗，真心抵！每道菜都有專人講解，無論係慶祝紀念日定犒賞自己，呢個套餐都絕對值回票價！🌟 值得再encore！ 👍🍴 *提提大家提早訂位時記得同店員講係慶祝生日/週年紀念日阿，店員會悉心安排仲會免費布置架！✨仲有仲有$1199單人套餐只會提供1份，如果想更抵食既話，大眾點評上面仲有$798既雙人餐同$999既雪蟹料理雙人餐架！鶯時TOKI（平安金融中心店）📍福田區益田路平安金融中心L4（距離地鐵購物公園地鐵站D口160m）🚇從福田口岸過關之後，乘坐4號線僅需2站即可到達營業時間：11:00~14:00,17:00~22:00
