因為之前未開blog, 所以這篇只貼左一d賽馬討論區, 現補貼在這裡! 各位請留意呢兩隻極有可能一對返尼: 1号馬美麗傳承(復興文豪)為一級賽玫瑰崗堅尼亞軍, 頭馬為維省打比冠軍大捷龍, 同場壓到珍美嘉, 四重唱, 永存之城等明星馬十分有說服力, 由於玫瑰崗堅尼係跑二千米, 你唔好諗住今場千四米嫌短, 佢本身初出就短途千一米憑質高已經第二, 之後千四米跑過兩場一場第一, 一場第三, 頭馬為官方聲明, 輸都合理. 所以佢千四米都係其射程範圍, 今次絕不能睇小! 另外呢隻馬, 跑法多數傾向留後跑, 但冇諗到玫瑰崗果場, 跟前走仲可以爆到一段勁既, 真係進步好大. 同埋香港個評分制度嚇死人, 呢隻變態馬, 未跑玫瑰崗已經係國際評分109分既馬, 攞埋過第二應該又加左幾分, 現在狗會評佢93分, 擺明送錢比馬迷使~ 同場好多隻馬其實都已經評分摸頂同冇進步, 所以會繼續向質新份子埋手, 我會選擇13号加洲議長(黨鞭), 計質素會過百分, 話哂大不列顛第三, 上場初出重磅已經跑第二, 但今場最大隱憂係蔡頭騎同十四檔, 所以多少要睇際遇. 另外兩隻初出慈羽同歌神先觀望下先, 如果堅持要賭第三隻, 就買返劍斷浪, 雷神繼續騎頭三應該有, 獨贏就唔好買佢, 上到二班未贏過, 只限近, 馬會超新星好多隻都得淡笑, 你睇下隻加州再豫現在已經評分飽和, 轉快活谷都唔掂~ 所以超新星純粹係馬會一種宣傳同增加投注額的技倆, 各位村友小心中伏! 歡迎交流及討論 https://youtu.be/vsOhZvbTL20 現在大家可以重溫多一次復興文豪精彩表演
